ЯҢАЛЫКЛАР
31
май, 2014 ел
шимбә
2014 елның 15 нче маеннан 15 нче июненә кадәр Татарстан Республикасы Зәй муниципаль районы Башкарма комитетының Яшьләр белән эшләү бүлеге «Кайгырту» («Забота») ирекле хәрәкәте белән берлектә « Балалар - тормыш яме» акциясе үткәрә. 28 майда, III нче Бөтенрәсәй акциясе кысаларында, Клёпа һәм Ириска шамакайлары район үзәк хастаханәсенең балалар бүлегендә дәваланучылар янында булып, сабын күбекләрен очыртып кызыклы тамаша күрсәттеләр, балалар һәм әниләрнең дә күңелен күрделәр.
30
май, 2014 ел
җомга
Бүген 30 майда «Техно” заводында Татарстан Республикасы Төзелеш, архитектура һәм торак-коммуналь хуҗалык министрлыгы коллегиясенең күчмә утырышы булды.
Бура-Киртә авылында, «Халыкка беренчел медицина - санитар ярдәмен күрсәтүне күтәрү» программасына нигезләнеп төзелгән фельдшер - акушерлык пункты ачылды.
29
май, 2014 ел
пәнҗешәмбе
Түбән Биш авыл җирлегенә кергән Түбән Биш һәм Куш-Елга авылларында балалар мәйданчыклары булдырылды. Моңа кадәр әлеге авылларда балалар уйнар өчен мондый мәйданчыклар булмаган. Мәйданчыкларны “Управдом” җаваплылыгы чикләнгән ширкәте сафка бастырды.
Зәй политехник колледжының кайбер студентлары быел да, ерак араларга йөрүче поездларга проводниклар булып урнашып, җәйге чорда акча эшләп алырга планлаштыра. 7 студент бу көннәрдә Казанга махсус имтиханнар тапшырырга барырга әзерләнә. Алар эшкә 20 июньнән керешәчәк.
Зәйнең яшьләр эшләре идарәсе мәшгульлек үзәге аша быелгы җәйдә 14 яшьтән югары булган 200дән артык яшүсмерне хезмәт урыннары белән тәэмин итүне планлаштыра. Шуларның 90 ы – ишегалды мәйданчыкларында эшләячәк. Педагогик отрядлар шәһәрдәге 12 ишегалды мәйданчыгында һәм Иске Зәй, Мирный бистәләре, Якты Күл авылында оештырылачак мәйданчыкларда хезмәт куячак.
28
май, 2014 ел
чәршәмбе
27 нче майда Яр Чаллы шәһәрендә 2003-2004 елда туган балалар футбол командалары арасында «Локобол-2014 РЖД» Бөтенрәсәй фестивале булып узды. Ярышларда 24 команда катнашты. Яшь футболчыларның 2 группасында 12 шәр команда көч сынашты. Укытучы- тренерлар Ринат Рәис улы Бикмеев һәм Илшат Рәфгәт улы Халиков кул астында тәрбияләнүче Зәй командасы икенче урынны алды. Гомүмән, барлык ярышлар буенча безнең команда 4 нче урынны яулады.
24 майдан 27 майга кадәр Казан шәһәрендә Татарстан беренчелегенә балалар һәм яшьүсмерләр арасында , җиңел атлетика буенча ярышлар узды. Ярышларда «Лыжник» балалар һәм яшьүсмерләр спорт мәктәбендә тәрбияләнүчеләр катнашты. 400 һәм 800 метрлы араны йөгерүдә беренче урынны Диана Салихова (тренеры И.В.Дылевская) 5000 км араны йөгерүдә беренче урынны, 3000 км араны йөгерүдә икенче урынны Орнелла Сөнгәтуллина ,110 метрлы каршылыклы араны йөгерүдә беренче урынны һәм 400 метрлы каршылыклы араны йөгерүдә өченче урынны Юля Козенбаева, 400 метрлы каршылыклы араны йөгерүдә икенче урынны Артур Вахнев алды( тренеры В.В.Лисов).
2014 елның 19 маеннан 26 маена кадәр «Энергия” стадионында Зәй муниципаль районы беренчелегенә 1999-2000 һәм 2001-2002 елларда туган гомүми урта белем бирү мәктәбе яшьләре арасында футбол буенча “Күн туп”призына уеннар узды. Ярышларда 2 нче, 3нче, 4 нче, 7 нче мәктәпләр һәм татар гимназиясеннән 10 команда катнашты.
24
май, 2014 ел
шимбә
15-17 майда Казанда татар хатын-кызларының II Бөтендөнья форумы узды. Ул 1990 елдан бирле эшләп килүче «Ак калфак» татар хатын-кызлар иҗтимагый оешмасы тырышлыгы белән оештырыла. Форумда Татарстан Республикасы районнары, Россия Федерациясе төбәкләре, чит илләрдән үз милләте, теле, мәдәнияте өчен җан аткан кешеләрдән торган делегатлар чакырылды. Зәйдән форум эшендә Имәнлебаш мәдәният йорты директоры Энҗе Әхмәтҗанова катнашты.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз