ЯҢАЛЫКЛАР

16-17 августта ат спорты базасында, Татарстан Республикасы көненә багышланган, Зәй муниципаль районы беренчелегенә ат спорты буенча ярышлар булып узды.

14 - 17 августта Теләче районында бил көрәше буенча республика чемпионаты булып үтте. Үз авырлык үлчәмнәрендә беренче урынны зәйлеләр: Екатерина Бусова(76 кг, тренеры И.Р. Зиятдинов) һәм Радик Сәләхов (90 кг.,тренеры С.Х. Сәләхов), өченче урынны Булат Гәдершин (68 кг, тренеры И.Н. Гәдершин), һәм Айнур Әхмәтшин (82 кг.,тренеры И.Р.Зиятдинов) яуладылар.

14 августта Бохарай авылында халык җыены узды. Җыелган халык алдында, Зәй муниципаль районы башлыгы Т.В.Воропаева, авыл җирлеге башлыгы Р.С.Миңнегуловлар чыгыш ясады. Соңгы 4 елда, район һәм авыл җирлекләренең социаль- икътисади үсешен өйрәнү барышында, авыл җирендә яшәүчеләр сугышта һәлак булганнарның һәйкәлләрен яңарту, юллар ясау, авыл җирлекләрен төзекләндерү мәсьәләләрен күтәрделәр.

14 августта Яшьләр белән эшләү идарәсендә урнашкан клубта ябыштырып ясау дәресе булып үтте. Педагог-оештыручы балаларга пластинадан әйберләр ясау технологиясен төшендерде, аларга үзләренең яраткан мультфильмнарындагы геройларның фигураларын ясарга тәкъдим итте. Күргәзмәләр залы, клубта тәрбияләнүләрнең искиткеч матур сынлы фигуралары белән, тагын бер кат тулыланды.

13 августта Яшьләр белән эшләү идарәсендә урнашкан клубта тәрбияләнүчеләр кул астындагы материаллардан, кемдер үзләренең телефоннарын саклау өчен, ә кемдер ачкычлар салу өчен букча тектеләр. Бу шөгыль шул хәтле мавыктыргыч булды, эшкә кушылган малайларның букчалары кызларныкыннан берничектә аерылмый.

Зәй районының Сармаш-Баш авылында кичә 100 кешегә исәпләнгән, яңа мәдәният йорты ачылды. Проект бәясе 9 млн. сумга исәпләнгән бу мәдәният йорты, Татарстанда авыл клублары төзү республика программасына нигезләнеп төзелде. Район бюджетынннан өстәмә 1 млн 266 сум акча бүлеп бирелде. Исегезгә төшерәбез, бу программа 2012 елда, Татарстан Республикасы муниципаль берәмлекләрендә - беренче чиратта авылларда тормышның югары дәрәҗәсен тәэмин итү максатында төзелгән.

Универсаль спорт мәйданчыклары төзү республика программасы кысаларында, Татарстан Республикасы хөкемәте Зәйдә спорт мәйданчыклары төзү өчен 8,5 млн. күләмендә акча бүлеп бирде. Спорт мәйданчыклары төзелешенең төп заказчысы Татарстан Республикасының баш инвестицион идарәсе, генераль подрядчысы «Татлизинг» унитар предприятиесе. 2014 елның 14 нче августтында Зәй муниципаль районының «Яшьлек» боз сарае һәм политехник көллиятендә кече футбол уйнау өчен төзелгән, ике спорт мәйданчыгын ачу булды.

Район башлыгының авыл җирлегендә яшәүче гражданнарны кабул итү вакытында барлыгы 136 сорау бирелде, күчмә кабул итү хакимиятенә 117 кеше мөрәҗәгать итте. Төрле бистәләрдә үтүче, Үзәк район хастәханәсе оештырган медицина шимбәләрендә 300 ләп зәйле катнашты.

7 августта Халыкны эш белән тәэмин итү үзәгендә бер ай дәвамында һөнәргә өйрәнү курсларына йөргән хатын-кызлар өчен нәтиҗә ясау дәресе булды, «кече чыгарылыш» оештырылды. Социаль проектның төп максаты декрет ялыннан чыгучы әниләргә үз һөнәри вазыйфаларына жиңел күнегү, квалификацияләрен күтәрү, яңа һөнәрләр үзләштерү мөмкинлеге бирә.

Автоклуб агитбригадасы авыл җирлегендә яшәүчеләрне үзләренең иҗатлары белән сөендерүләрен дәвам итә. Күптән түгел генә алар Югары Мәлем, Сарсаз-Баграж, Бигеш авылларында булып кайттылар.