ЯҢАЛЫКЛАР

22 августта шәһәр мәдәният йортында Россия Федерациясе дәүләт флагы көненә багышланган «Данга күмелгән Россия флагы» викторинасы, фотосүрәт-китап күргәзмәсен ачу булды. Мәдәният йорты хезмәткәрләре балаларны Россия Федерациясе Дәүләт флагының барлыкка килү тарихы белән таныштырдылар,
«Заманча Россия символикасы» дигән викторина үткәрделәр. Чара ахырында Россия флагын тотып, Мирный бистәсе урамнары буйлап үттеләр.

10-13 августта татар теле укытучыларының Бөтенроссия съезды VI пленар утырышы булды. Утырышта Татарстан Республикасы Дәүләт Советы рәисе Фәрит Мөхәммәтшин, Татарстан Республикасы Премьер министры урынбасары- Татарстан Республикасы мәгариф һәм фән министры –Энгель Фаттахов, Бөтендөнья татар конгрессы Башкарма комитеты рәисе Ринат Закиров һәм башка дәрәҗәле кунаклар бар иде.Зәйдән съезда татар гимназиясе директоры Линар Әхмәтҗәнов катнашты.

21 июльдән 21 августка кадәр Зәй шәһәре Никифорова урамының 73 нче йорты волейбол мәйданчыгында яшьләр командалары арасында пляж волейболы буенча шәһәр беренчелегенә ярышлар узды. Бер ай дәвам иткән ярышларда , беренчелектә җиңүче исеме алу өчен, 25 команда ярышты.

2014 елның 21 августында «Йолдызлык» балалар лагерында «Ришвәт –юк!» дип әйт дигән исем астында чара үтте. Уен формасында үтүенә карамастан, чараның төп максаты 12 яшьлек балаларга ришвәткә каршы көрәш юлларын аңлатуга нигезләнгән иде. 10 тикшерү станциясен үтеп, һәрберсендә иң зур бал җыярга тиеш булган, 5 балалар командасы биремнәрне төгәл үтәде.

4-19 августка кадәр Зәй шәһәренең 35 нче бистәсендә яшьләр арасында кече футбол буенча турнир узды. Турнирда барлыгы 10 яшьләр командасы катнашты. Ярышлар ике группада узды: группа «А»-«Спартак» «Җыелма-99», «Җыелма-2000-2001», «Гимназия», «Атлетик» һәм группа «С»,«Шәһәрнең җыелма командасы», «Олимп», «35нче бистә», «Үзәк», «Яңа шәһәр» командалары. Ярыш нәтиҗәләреннән күренгәнчә, ярым финалга «Шәһәрнең җыелма командасы», «Олимп» Спартак» һәм «Атлетик» чыкты.

19 августта хакимиятнең зур залында республиканың профсоюз федерациясе предприятие, оешма, учреждениеләрнең 100 дән артык профсоюз активы һәм куркынычсыз хезмәтне тәэмин итү белгечләре катнашында семинар уздырды.
Федерация рәисе урынбасары Марат Рөстәм улы Гафаров «Татарстан Республикасы профсоюзлар федерациясе эшчәнлегенең мөһим мәсьәләләре»- дигән темага чыгыш ясады, төп игътибарны Татарстан Республикасы профсоюз федерациясенең куркынычсыз эш шартлары белән тэмин итүдә көндәлек һәм киләчәктәге бурычларына юнәлдерде.

20 августта шәһәр мәдәният йортында узган « Уч төбендәге кояш» уен программасыннан «Әкият» лагерена йөрүче балалар һәм яшьүсмерләр тирән кичерешләр алдылар. Балалар бик теләп «Кояшны сәламләү», « Җәй авазы» «Апельсинлы рок - н-ролл», «Кояш нурын тоту!», «Кояшны рәсемгә төшерү» кебек кызыклы һәм мавыктыргыч конкурсларда катнаштылар.

15 августта Мирный бистәсенең 5 нче номерлы мәктәбендә шәһәр мәдәният йорты хезмәткәрләре Зәй муниципаль районында «Кече Ватан»елына багышланган онытылмаслык бәйрәм кичәсе үткәрделәр. «Зәй урманы» Дәүләт бюджет учреждениясе хакимияте Мирный бистәсе һәм урман производство хуҗалыгын төзүдә актив катнашкан һәм ярдәм иткән производство алдынгыларына рәхмәт сүзләрен белдерде, Мактау грамотолары тапшырды. Күп матур сүзләр сугыш ветераннары, пенсионерлар, бистәнең иң өлкән һәм иң кече яшьтәгеләренә әйтелде.

18 августта Боз сараенда тантаналы төстә, 2005 елда туган балалар командалары арасында, Республика көненә һәм «Яшьлек» балалар һәм яшьүсмерләр спорт мәктәбенең 5 еллыгына багышланган шайбалы хоккей буенча Бөтенроссия турнирын ачу булды. Ярышларда Түбән Камадан «Нефтихим»,Уфадан «Салават Юлаев», Нижневартовскийдан «Филин», Пермьнан «Чүкеч», Челябинскийдан «Трактор», Оренбургтан «Оренбуржье», Тольятидан «Лада”, Зәйдән “Яшьлек” 8 хоккей командасы катнашты.