ЯҢАЛЫКЛАР

2014 елның 22-23 августта Түбән Камада физик мөмкинлекләре чикләнгән кешеләр арасында җиңел атлетика буенча Татарстан Республикасы чемпионаты узды. Зәй муниципаль районы ярышлардан 10 медаль: (шуларның 5 се югары дәрәҗәдәге, 2 се икенче урын , 3 се-өченче урын өчен) алып кайтты.

Шәһәрнең хатын-кызлар советы «Сатып ал һәм бүләк ит!»-дигән акция оештыра. Совет составындагы олы тормыш тәҗрибәсенә ия булган әни һәм әбиләр ирекле рәвештә тапшырылган уенчыкларны авыл җирлекләрендәге балалар бакчасына бүләк итәләр.

2014-2015 уку елының беренче атнасында ук районыбызның мәгариф учреждениеләрендә «Уку йортларында финанс грамотлалыгы» дигән Бөтенроссия акциясе үтә. Лекцияне банк, пенсия фонды, әманәтчелек компанияләре җитәкчеләре һәм хезмәткәрләре укый.

25 августта «Шатлык» халыкка социаль хезмәтләр күрсәтү үзәгендә муниципаль района башлыгы Татьяна Воропаева районыбызның иң үрнәк 24 гаиләсе белән очрашты. Һәрберсенең үз тарихы булган гаиләләрдә үзара ярдәмләшү һәм ышаныч хакимлек итә.

Аларның иң беренчеләре Аксар, Югары Шепкә, Ал. Бистәсе авылы җирлекләрендә узды. 26 августтан района җитәкчелеге Зәй ГРЭСы, «мефро уилз Руссиа» Зәй заводы ҖЧШ хезмәт коллективлары белән очрашулар уздырды. Очрашулар вакытында килеп туган проблемалар турында ачыктан-ачык сөйләшү булды, ирешелгән уңышлар ассызыклап әйтелде, киләчәккә бурычлар билгеләнде.

Зәй районында бөртекле культуралар 66 % мәйданда җыеп алынган, тулаем суктыру 72500 тонна ,уртача уңыш 1 гектардан 25,8 центнер. Бүген басуларда сабан бодае һәм борчак суктыру бара, арпа инде җыеп алынды. Иң зур күрсәткечләрнең берсе «Восток»агрофирмасында- бер гектардан 32,7 центнер, икенче урында «Зәй шикәре»агрофирмасы-30,6 центнер, өченче урында «Зәй» агрофирмасы 27,7 центнер, дүртенче урында «Нива»ҖЧШ-25 центнер.

Районыбызның авыл җирлекләрендә уңыш бәйрәмнәре булып узды. Бәйрәмне җырлар, шигырьләр, уеннар һәм конкурслар тулыланды. Югары Мәлем авылында авыл халкы урам бәйрәменә, Түбән Биш авылында чәчәкләр бәйрәменә, Бура-Киртә дә һәм Имәнлебашта “Авыл кичләренә”, Иске Мәвриндә Уңыш бәйрәменә җыелды. Бәйрәмдә Иске Мәвринлылар үстергән табигать нигъмәтләреннән күргәзмә оештырылды.

Зәйдә үткән шимбәдә чираттагы ярминкә булып үтте. Яшелчә һәм бал ярминкәнең төп ризыгы булды, ә сатып алучыларның күбесе пенсионерлар иде. Ярминкәне фермерлар һәм авыл җирлекләрендә яшәүчеләр үстергән берсеннән берсе матур чәчәкләр, яшелчә һәм җиләк-җимешләр тулыландырды. Помидор, баллы борыч, баклажан, суган, бәрәңге, кәбестә һәм кишерне күпләп сатып алырга мөмкин булды.

Бүген 2014 елның 25 августында Аксар һәм Югары Шепкә авылы җирлекләрендә халык җыеннары булып үтте.

Зәйдә «Федераль Дәүләт белем стандартларын кертү шартларында укыту һәм тәрбия сыйфатын яхшырту» дигән темага нигезләнгән муниципаль район мәгариф бүлеге хезмәткәрләренең традицион август конференциясе булып үтте. Конференция эшендә Татарстан республикасы мәгариф һәм фән министры урынбасары Андрей Поминов, муниципаль район башлыгы Татьяна Воропаева катнашты.