ЯҢАЛЫКЛАР

Уку сезоны ачылу белән 3 нче сентябрьдан 30 нчы сентябрьга кадәр шәһәрдә «Экстремизмга-юк!”- дигән айлык игълан ителде. Ай дәвамында балаларның белем дәрәҗәләрен тикшерү, барлык белем процессында катнашучыларга уку эвакуациясе үткәрү, лекцияләр уку, техник персонал һәм ата-аналар белән терроризм турында әңгәмә оештыру каралган.

Республика көне алдыннан, ел саен үткәрелә торган, муниципаль идарә өлкәсендә ирешелгән уңыш нәтиҗәләре буенча смотр- конкурста җиңүчеләрне бүләкләү булды. Татарстан Республикасы Президенты Рөстәм Миңнеханов авыл җирлеге башлыкларына һәм республиканың муниципаль ошма җитәкчеләренә 100 LADA «212140» машинасына ачкычлар тапшырды. Җиңүчеләр арасында Түбән Биш һәм Урсай авылы җирлекләре дә бар иде.

4 сентябрьдә Зәйдә шикәр чөгендерен алу башланды. Иң беренчеләрдән булып бу эшкә «Восток» агрофирмасы чыкты, алардан соң «Зәй»агрофирмасы эшкә кереште. Икмәк 76% мәйданда җыеп алынды. Барлыгы 82660 тонна бодай суктырылды, бу исә уртача бер гектардан 25,8 центнер уңыш алуны күрсәтә.

2 августта Бердәм Россия партиясе оештырган халык җыены үтте. Зәй футбол командасы, Энергия стадионының 60 нчы елларда ук җиткерелгән булуы сәбәпле, тиз арада төзекләндерү эшләрен башлап җибәрү кирәклеге-, турындагы мәсьәләне күтәрде. Заманча шартларның җитәрлек дәрәҗәдә булмавы, футболчыларның тренировкаларын оештыруда уңайсызлыклар тудыра, күп кенә зона һәм республика күләмендәге ярышларны Зәй җирендә үткәрү мөмкинлеген чикли. Беренче эш нәтиҗәләре үзен озак көттермәде, бер ай үтүгә стадионда капиталь төзекләндерү эшләре башланыпта китте.

Белем көнендә Зәй районында мәктәп парталары артына барлыгы 5307 бала утырды. Беренче мәртәбә мәктәп баскычларын 570 беренче сыйныф баласы атлап керде, аларның 480 ен шәһәр җирендә,90-ын авыл җирендә яшәүчеләр тәшкил итә. Тантаналы бәйрәм линейкасында беренче сыйныфка керүче балалар, муниципаль район башлыгыннан мәктәп укучысы җылмасын, Мәгариф һәм фән министрлыгы, Татарстан Республикасы Дәүләт Советы депутаты Роберт Миннегалиевтан өч телдә язылган китап кабул итеп алдылар.

Бөтенрәсәй экология шимбәсе шәһәребез халкының олысын һәм кечесен бергә берләштерде. 29 нчы августта, акция башланыр алдыннан ук, шәһәребезнең оешма һәм предприятие хезмәткәрләре үз территорияләре янында тәртип сала башладылар, Татарстан Республикасы һәм шәһәр көнен билгеләп үткәндә Зәебездә чиста һәм матур булсын өчен алар бар көчләрен куеп эшләделәр.

28 августта Зәйнең балалар хоккей командасы Питрәчтә узган, 2004 елда туган яшүсмерләр арасында үткән, хоккей буенча ачык турнир ярыш финалында җиңде. Анда Питрәч, Зәй, Зеленодольск, Биектау һәм Казаннан «Алмаш» командалары катнашты. Зәй командасы алтын призга лаек булды.

Түбән Биш урта мәктәбе яңа уку елы алдыннан ике бүләк алды. Район башлыгы гранты һәм ел мәктәбе исеменә лаек булды, ә Кабан-Бастрык төп белем бирү мәктәбенең технология белеме укытучысы Сергей Иванов укытучылар арасында үткән муниципаль конкурс- «Йөрәгемне балаларга бирәм номинациясендә» җиңүче булды.