ЯҢАЛЫКЛАР

16 октябрьдә Зәй муниципаль районы Советының 41 нче утырышы булды. Утырышта Татарстан Республикасы муниципаль берәмлекләр советы рәисе Минсәгыйт Шакиров, Зәй муниципаль районы башкарма комитеты җитәкчесе вазыйфаларын башкаручы Рәзиф Кәримов, Татарстан Республикасы Дәүләт Советы депутаты Илшат Әминов һәм Фоат Комаров, “Агросила ГРУПП” ЯАҖ генераль директоры Илдар Гыймадиев, Татарстан Республикасы Президентының территорияләр белән эшләү идарәсе баш киңәшчесе Фәнис Нүриев катнашты.

8 октябрьдә хакимиятнең киңәшмәләр залында Р.Г.Кәримов җитәкчелегендә Зәй муниципаль районы Башкарма комитетының иҗтимагый торак комиссиясе утырышында торак шартларын яхшырту буенча чиратка кую буенча гаризалар һәм социаль ипотека буенча Реестрга кертелгән гаиләләрне исәпкә алу эшләренә үзгәрешләр кертү мәсьәләләре каралды.

Бүген үзенең эшлекле визиты вакытында, Башкарма комитет җитәкчесе вазыйфаларын башкаручы Р.Г.Кәримов үзәк лаборатория, Зәй шәһәре ТехноНиколь корпорациясе «Техно заводы» ҖЧШ филиалының профильле цехларында булды. Разиф Галиевичнең предприятия җитәкчесе А.В.Мамонтов белән әңгәмәсе вакытында, производстваны үстерү һәм технология процессларын модернизацияләү мәсьәләләре каралды.

6 октябрьдә « Баскет-Холл» да Татарстан Республикасы Президенты Р.Н.Миңнеханов катнашында Халыкара укытучылар көненә багышланган тантаналы чара үтте. Зәй муниципаль районыннан бәйрәмдә 61 кеше катнашты. Алар арасында мәктәпкәчә яшьтәге һәм урта профессиональ белем бирүчеләр бар иде. Делегацияне Башкарма комитет җитәкчесе вазыйфаларын башкаручы Разиф Галиевич Кәримов җитәкләде.

Халыкара өлкәннәр көне уңаеннан, 2 октябрьдә шәһәр мәдәният йортында «Зәй урманы», «Зәй урманчылыгы»ветераннары һәм Мирный бистәсендә яшәүчеләр өчен «Безгә еллар бәлә түгел!», - дигән исем астында бәйрәм концерты булды. Кунакларны балалар каршы алдылар һәм бәйрәмдә актив катнашучыларга чәчәк бәйләмнәре бүләк иттеләр. Бәйрәм «Зәй урманчылыгы»җитәкчесе Э А.Гущин, урман хуҗалыгы атказанган эшчесе –ветеран В.А.Иванов котлавы белән башланып китте.

Изге Корбан бәйрәме алдыннан, Башкарма комитет җитәкчесе вазыйфаларын башкаручы Разиф Галиевич районыбыз имамнары исеменә котлау телеграммалары җибәрде. Ул имамнарга чын күңелдән иминлек, сәламәтлек һәм бәрәкәтле тормыш теләде.

3 октябрьдә Зәй «Мефро уилз Руссия заводы» ҖЧШ дә булып үткән эшлекле очрашу вакытында, Башкарма комитет җитәкчесе вазыйфаларын башкаручы Р.Г.Кәримов предприятие җитәкчесе И.Р.Давыдов белән очрашты. Разиф Галиевич заводта югары технологияләр кулланылуын һәм чыгарыла торган продукциянең югары конкурентлы булуына аеруча басым ясады.
Производство цехларында булганнан соң, заводны модернизацияләү һәм алга таба тагында үстерү мәсьәләләре каралды.

2014 елның 30 сентябрендә Халыкара өлкәннәр көне алдыннан «Космос» яшьләр үзәгендә «Иң шәп әбиләр» дигән исем астында конкурс үтте. Җиде, балалары һәм оныклары булган өлкән, «Иң шәп әбиләр»конкурсында катнаштылар. Әбиләр өчен традицион конкурс үткәрү Яшьләр эшләре идарәсе инициативасы белән оештырылды.

8 зәйле, (алар арасында Икмәк кабул итү бистәсе мәчетенең имам-хатыйбы Фатих Хәзрәт Нуруллин да бар) ,Согуд Гарәбстанына хаҗ кылырга киттеләр.

Шимбә көнне, көндез Татарстан башкаласында спортның су төрләре буенча дөнья чемпионатына күпме вакыт калганлыгын санап торучы, стела ачу турында хәбәр булды, соңрак Чаллыда дзюдо буенча зур ярышлар башланды, ә сәгать кичке 6 да Зәйнең ТР Федераль чаңгы ярышлары үзәгендә спорт министры Владимир Леонов инфраструктура базасында булды, спортчыларның тренировка ясау һәм яшәү шартлары белән танышты. Тиздән үзәкнең кар патшалыгында, март аена кадәр, төрле төрдәге чаңгы ярышлары узачак. Бөтен үзгәрешләр Татарстан Республикасы чаңгы һәм биотлон президенты, «Челтәр компаниясе » ААҖ генераль директоры Илшат Фәрдиев инициативасы белән һәм аның контролендә үтте. Очрашуда Башкарма комитет җитәкчесе вазыйфаларын башкаручы Разиф Кәримов катнашты.