ЯҢАЛЫКЛАР

29 сентябрьдә Өлкәннәр көне алдыннан «Шатлык” халыкка хезмәт күрсәтү үзәгендә яшәү урыннарын үзгәрткән яисә оешмалары таркалган пенсионерлар бәйрәм өстәле янына җыелдылар. Кунакларны котлауда Башкарма комитет җитәкчесе вазыйфаларын башкаручы Разиф Кәримов, социаль мәсьәләләр буенча Башкарма комитет җитәкчесе урынбасары Светлана Иванова, социаль яклау бүлеге башлыгы Элмирә Хүҗинә катнаштылар. Район һәм шәһәрдә ошмалары таркалган 4 мең 340 пенсионер санала. Район исәпкә алу базасында 12 мең 756 пенсионер теркәү үткән. Алар арасында Бөек Ватан сугышында катнашучылар һәм сугыш инвалидлары да бар.

27-28 сентябрьдә Кама Аланы эшчеләр поселогында, 2002-2004 нче елларда туган балалар командалары арасында, хоккей сезонын ачуга багышланган шайбалы хоккей буенча турнир үтте. Зәй муниципаль районының «Яшьлек” балалар командасы 4 нче урынны алды.

27-28 сентябрьдә Әлмәт шәһәрендә авыл районнары арасында шахмат буенча Татарстан Республикасы чемпионаты үтте. Ярыш нәтиҗәләреннән күренгәнчә, ир-атлар арасында 1 урынны Василий Васильев алды. Гомүм команда нәтиҗәләре буенча, 22 команда арасында Зәйлеләр 14 нче урында.

25-27 сентябрьгә кадәр Ульяновск шәһәрендә, Идел буе федераль округы беренчелегенә, ирекле көрәш буенча 1999-2000 елларда туган яшүсмерләр һәм 16 яшкәчә кызлар арасында ярышлар үтте, Олеся Данилова ( тренеры Р.Р. Салихов) 3 нче урынны алды.

26-29 сентябрьдә Зеленодольск шәһәрендә чаңгыда ярышучылар арасында,гомүми физик әзерлек буенча, Татарстан Республикасы беренчелегенә ярышлар үтте. 8 км га сузылган арада Дмитрий Кочеванов 4 нче, Дмитрий Бортных 2нче урынны алдылар.

28 сентябрьдә Мирный бистәсенең шәһәр мәдәният йортында , ял көне клубы һәм гаилә иҗаты кысаларында, яшелчә һәм җиләк- җимешләрдән ясалган «Кызге байлык» күргәзмәсе үтте. Әти-әниләр һәм балалар җыеп алынган агач җимешләреннән һәм көзге яфраклардан әйберләр ясадылар. Күргәзмә атна буе дәвам итә, барыгызны да көтеп калабыз.

Мәшгульлек үзәге өлкәннәр өчен компьютер курслары оештыра.
Бу елны укучылар саны 100 гә җитте. Укулар политехник көллияте базасында һәм 2 нче мәктәптә үткәреләчәк. 22 сентябрьдән 30 кешелек 2 группа эшли башлады.

24 сентярьдә Зәй-2 яшьләр үзәгендә социаль мәсьәләләр буенча Башкарма комитет җитәкчесе урынбасары Светлана Иванова катнашында яшьләр политикасы һәм патриотик тәрбия буенча түгәрәк өстәл утырышы узды.

Яңа уку елы башлануга карамастан, балалар элекечә «Яшүсмер» клубында шөгыльләнүләрен дәвам итәләр. 23 нче сентябрьдә Яшьләр белән эшләү идарәсе алар өчен «Мөгҗизалар кыры» дигән интеллектуаль-кызыктыргыч уен оштырды. Биремнәр катлаулы булмауга карамастан, белем һәм баш ватуны таләп итте. Бу уеннар үзләренә уен һәм уку эшчәнлеген берләштерә, тиз фикер йөртүне арттыра.

22 сентябрьдә “Яшүсмер” клубында “Үз телефоныңа ничек итеп чехол ясарга була?”- дигән темага мастер –сыйныф оештырылды. Иҗади эш вакытында балалар да берьюлы вак моторика, күзаллау, рәссамлык сәлате ачыла. Балалар үзләре ясаган әйберләреннән бик канәгать калдылар.