ЯҢАЛЫКЛАР

18 март көнне Әлмәт шәһәрендә “Сандугач сайрар илем” балалар иҗат фестиваленең финал ярышлары була. Финал турында катнашу өчен шәһәребезнең музыка мәктәбеннән бертөркем катнашучылар чакырылган.

11 март көнне хакимиятнең кече залында район Башкарма комитеты җитәкчесе Р.Г. Кәримов, Татарстан Республикасы эшмәкәрлеккә ярдәм күрсәтү үзәге җитәкчесе Д.Р.Шәвәлиев, Яр Чаллы шәһәре “Закамье” регионы һәм “Сәүдә сәнәгать палатасы” генераль директорының беренче урынбасары М.А.Клосинский, Татарстан Республикасы Президенты каршындагы Эшкуарлар хокукларын яклау буенча вәкаләтле вәкил эшчәнлеген тәэмин итү бүлеге мөдире Г.С.Макаровлар катнашында район эшкуарлары белән эшмәкәрләрлеккә ярдәм күрсәтү, аны яклау һәм үстерү мәсьәләләре буенча киңәшмә узды

Бу көннәрдә пенсионерлар арасында компьютерда сынау буенча беренче тур ярышлары булып үтте. Безнең якташыбыз Таисия Терещенко әлеге турны үтеп алдынгылар сафына басты. Ул барлык република турында җиңүчеләр белән “Байтик” компьтер лагерында укулар үтәчәк

Түбән Камада «Йолдызлык» ачык республика телевизион яшьләр фестиваленең зона туры узды. Эстрада сәнгатендә яшь талантларны барлау максатында оештырылучы бу бәйгедә Зәйдән быел да аерым башкаруда һәм төрле ансамбльләр составында малай-кызлар үзләрен сынады

III- енче Россиякүләм бәйгедә Зәй кызларына тиңнәр табылмады.”Кояш балалары” бәйгесендә безнең кызлар 4 категориядә чыгыш ясадылар.Жюри фотога төшү, образ тудыру, үзенчәлек, йөрү техникасы, үз-үзеңне сәхнәдә тоту, тышкы кыяфәтнең матурлыгын тикшерде.

Зәйдә иң күңелле яз бәйрәме үтте. “Энергетик” мәдәният сарае мәйданы көн буе уен – көлке, бәйрәм авазы белән гөрләп торды. Күңелле уеннар, балалар өчен дә, зурлар өчен дә бик гөрләп барды. Гармун тавышы, җыр, маҗаралы күренешләр һәркемнең күңелендә истәлек калдырды. Балалар үзләренең ата-аналары, гаиләләре белән күңел ачтылар, тәмле ризыклардан авыз иттеләр, кояшлы матур көннән ямь табып ял иттеләр.

1 – 5 мартта “Ялта-Зәй” чаңгычылар әзерләү үзәгендә Республика беренчелегенә 3 тур ярышлары атказанган спорт остасы В.А. Бекасов истәлегенә багышланды. Барлыгы ярышларда 106 чаңгычы катнашты, 65 егет һәм 41 кыз. 14 команда арасыннан 2 кеше Халыкара спорт остасы,18 кеше – Спорт остасы, 26 кеше- Спорт остасы исеменә кандидатлар.

9 мартта “Энергетик” мәдәният сараенда ШТМ сезонының 2 уены булды. Анда 2 мәктәптән “Икенче аяк киеме”, 3 дән – “Лобачевскийны олылау”, татар гимназиясеннән “Без татарлар”, 6 мәктәптән – “Дүшәмбе балалары”, 7 мәктәптән – Койрыклы җиде” командалары катнашты. “Хезмәт кешесе” темасына багышланган сәләмләү, уеннар, бзйгеләр командалар өчен бик кызыклы булды.

Район башкарма комитеты җитәкчесе Р.Г. Кәримов барлык хатын-кызларны да якынлашып килүче 8 март – халыкара хатын-кызлар көне белән котлады

Үзәк китапханәдә “Рәссәйнең хатын-кыз йөзе”. Хатыннар һәм матурлык”, дип исемләнгән халыкара хатын-кызлар көненә багышланган кичә үтте. Кичәне алып баручы Галина Лаврентьева катнашучыларга әлеге бәйрәмнең тарихын һәм аны ничек итеп матур үткәрү серләрен сөйләде.