ЯҢАЛЫКЛАР

Ел саен Мирный бистәсендә Пукрау көненә багышланган кичәләр үтә. Быел да 7-11 яшьлек балалар арасында “Көзге тәбигать күренеше» дип исемләнгән рәсем бәйгесе үтте.

Бүген “Ялта-Зәй” спорт үзәгендә мәгърифәтче, дин галиме, язучы Таҗетдин Ялчыголга багышланган “Ялчыгол укулары” уздырылды. Әлеге мәртәбәле чараның районда өченче мәртәбә оештырылуы. Анда ТР Диния нәзарәте рәисе, мөфти Камил Сәмигуллин, Казан һәм Башкортстаннан кунаклар, Ялчыголның нәселен дәвам итүчеләр катнашты.

Зәйдә район Советы каршында оешкан иҗтимагый яшьләр палатасының чираттагы утырышы узды. Анда 13 сентябрьдә үткән сайлауларда яшьләрнең активлыгы дәрәҗәсе, сәяси вакыйгаларга карашлары, җәйге чорда балалар-яшүсмерләрнең ялын оештыру мәсьәләләре, аерым алганда, “Йолдызлык” лагеры эшчәнлеге, яшьләрнең республикакүләм бәйгеләрдә, социаль проектларда катнашуы буенча фикер алышулар булды.

10 октябрьдә Чистай шәһәрендә СССР ның спорт мастеры А.С. Нуруллин истәлегенә грек-рим көрәше буенча турнир үтте. Анда Зәй шәһәреннән дә көрәшчеләр катнашты. Зотов Иван 46 кг. үлчәүдә көрәшеп беренче урынны алды (тренеры Р.М. Маврин),

14 октябрьдә халыкны эш белән тәэмин итү үзәгендә эшмәкәрләр һәм эшсезләр катнашында түгәрәк өстәл үтте. Эшмәкәрләр эшсез калган гражданнар өчен үз эшеңне табу һәм булдыру серләрен өйрәттеләр.

14 октябрьдә Үзәк китапханәдә коррекцион мәктәпнең 7,8 һәм 9 класс укучылары өчен “Сәламәтлек – зур байлык” дип аталган белешмә сәгате үтте. Чынлап та кеше үзенең сәламәтлеге турында үзе кайгыртырга тиеш. Сәламәт яшәү рәвешен сайлау һәркемнең үзеннән тора.

Зәй районында чөгендер алу тулы куәткә бара. Авыл хуҗалыгы һәм азык-төлек идарәсеннән алынган мәгълүматлар буенча, чөгендер 5842 гектарда алынып, 242443 тонна татлы тамыр җыелды. Бу - барлык мәйданның 69,5 проценты. Уңыш гектарыннан уртача 415 центнер тәшкил итә. Басуда тәүлек дәвамында 11 “Ропа” комбайны эшли.

Зәйдә республика программасы буенча ремонтланган фермалар һәм сөтчелек комплексларына җәйләүләрдән терлекләрне кайтару эше дәвам итә. Әлеге процессның уңай нәтиҗәләре дә бар инде. Мәсьәлән, “Нива” җаваплылыгы чикләнгән ширкәтендә артым тәүлегенә - 220, “Зәй шикәре” агрофирмасының “Сәвәләй” бүлекчәсендә 54 килограмм тәшкил итә.

4 мәктәп укытучысы Татьяна Прохоренконың кулдан ясаган эшләре тиз арада бүләккә таралып бетә. Зәйдән Казанга, Мәскәүгә һәм башка шәһәрләргә. Аның зәвыклы итеп ясаган курчаклары күңелгә хуш килеп тора һәм бик тә үзенчәлекле.

Казан шәһәрендә ирекле көрәш буенча Татарстан беренчелегенә 1999-2000 елгы кызлар һәм егетләр арасында ярышлар булып үтте. Зәйдән “Зәй” балалар һәм яшьләр спорт мәктәбендә спорт белән шогельләнүче кызлар һәм егетләр катнашты.