Зәй . талантларга бай төбәк

Ул өч турда барды. Аңа нәтиҗә  узган шимбәдә район мәдәният йортында ясалды.

Әлеге акциядә катнашкан Урсай, Яңа Спас, Бохарай, Ал. Бистәсе, Югары Мәлем, Сармашбаш авыллары халкының иң яхшы кул эшләреннән  күргәзмә оештырылды, гала-концертта үзешчәннәр чыгышы тыңланды. Шунысы куанычлы, концертта катнашучыларның яртысы яшьләр, балалар иде. Күргәзмәгә нинди генә кул эшләре куелмаган иде: үрелгән, тукылган, чигелгән, бәйләнгән, агачтан, пластмассадан, тимердән эшләнгән әйберләр, рәсем  дисеңме – барысы да сокланырлык. Ярата безнең халык гамәли сәнгатьне!

“Декоратив-гамәли сәнгать” номинациясендә I дәрәҗә дипломга – Бохарайдан Людмила Захарова; “Бәйләү һәм чигү»  номинациясендә II дәрәҗә дипломга Ал. Бистәсеннән Рагузиннар, Галановлар гаиләләре, Сармашбаштан Венера Красовская һәм Резеда Хәсәншина, Югары Мәлемнән Миләүшә белән Сөмбелә Хәйруллиналар; “Рәсем сәнгате” номинациясендә II дәрәҗә дипломга Гөлназ белән Рамил Җамалиевлар ия булды. Аерым башкаручылардан Югары Мәлемнән Илүзә Галиуллина, Урсайдан Галина Ямаева, Людмила Игнатьева һ.б.ларга тиңнәр табылмады. Ал. Бистәсеннән “Перезвон”, “Алан”, Югары Мәлемнән кызлар вокаль ансамбльләре чыгышы көчле алкышларга күмелде. Сармашбаштан IX сыйныф укучыларының сынау мизгелен сәхнәләштереп күрсәтүе тамашачылар игътибарын җәлеп итте. Югары Мәлемнән Сәйдәш Хәйруллин белән Әдилә Гыйбадуллиналар иң яхшы сүз остасы дип табылды. Гала-концертны да алар алып барды. Ал. Бистәсеннән Анатолий Рагузин үз җырларын башкарды.

Зәйдә сәхнә тотар, матурлык тудырыр, талантлы, өметле яшьләрнең, укучыларның күп булуын акция ачык күрсәтте.