"Беләсезме, нинди егет булган ул..."
20 май көнне Зәй гомуми белем бирү мәктәбе №2 базасында музей хезмәткәрләре РФ Герое Сергей Чебнёв истәлегенә "Безнең заман герое. Позывной «Отмель» дип исемләнгән чара үткәрделәр.
Күп кенә зәйлеләр аның турында 6 март 2025 елда белделәр, шул көнне Россия Федерациясе Президенты Владимир Путин Геройның тол хатынына "Алтын Йолдыз" медален тапшырды. Бу медаль аңа Курск өлкәсендәге Малая Локняны саклау вакытында күрсәткән батырлыгы өчен, үлгәннән соң бирелде. Тиздән яңалыклар тасмаларында Сергей Владимировичның тормышы белән бәйле торак пунктларның исемнәре пәйда булды: Балык Бистәсе, Казан, Яр Чаллы, Калининград, Зәй.
Бер айдан соң, 16 апрельдә Светлана Ревина Зәй музеена Геройның шәхси әйберләрен һәм фотоларын тапшырды. Чараның төп максаты – Геройның тормыш юлын ачу, укучыларның бу мәктәптә алты ел укыган гади егет турында белүләре иде.
Очрашу кунаклары: Геройның әнисе Ольга Константиновна, туган сеңлесе Светлана Юрьевна һәм аның тәрбиячесе Надежда Константиновна. Иң кызыклысы шунда, барлык чакырылган кунаклар элек бер подъездда, Яшел урамы, 2 нче йортта яшәгәннәр. Чара барышында алар Сергей турында, аның балачагы, хоббилары, хезмәткә мөнәсәбәте турында сөйләделәр. Күп балалы әти, отставкадагы хәрби һәм броньлы булган кеше, сугышны туктату һәм безнең балалар анда катнашмасын өчен, үз теләге белән махсус хәрби операциягә киткән.
Чарада күргәзмә тәкъдим ителде, видеороликлар күрсәтелде, "Комбат" җыры яңгырады. Очрашуда катнашучылар аның турында бик күп нәрсә белделәр һәм, мөгаен, Герой образы күпләр өчен бар яклап ачылды. Сергей Владимировичның истәлеге Зәй халкы күңелендә озак яшәр.
Сугышчы булу – мәңге яшәү дигән сүз! Бу безнең хәтердә иң кадерле нәрсәләрен – гомерләрен биргән Геройлар мәңгегә калачак дигәнне аңлата. Шулай булган, шулай бар һәм шулай булачак.