Зәйдә бәйрәм авыл хуҗалыгы ярминкәсе узды
Бүген «Энергетик» мәдәният йорты каршындагы мәйданда бу сезонда икенче авыл хуҗалыгы ярминкәсе узды. Чара бәйрәмгә әверелде-ул 18, 19 һәм 20 сентябрьдә уза торган Дәүләт Думасына депутатлар сайлауга туры китерелде.
Кунакларны бу юлы да концерт номерлары, җирле җитештерүчеләрдән, фермерлардан һәм шәхси хуҗалыклардан күп төрле товарлар: яңа пешкән ит, яшелчә һәм җиләк-җимеш, йомырка, бал, сөт һәм сөт продуктлары, үсентеләр, мунча себеркеләре, кулдан эшләнгән әйберләр һәм башкалар көтте. Барысы да чагыштырмача арзан бәядән иде.
Район башлыгы Р.Г. Кәримов ярминкәдә булды, сәүдә рәтләрен карады һәм тәкъдим ителгән продукциянең сыйфатын бәяләде. Ул ярминкәдә катнашучыларга район тормышында актив катнашулары һәм сәүдәне югары дәрәҗәдә оештырулары өчен рәхмәт белдерде, җирле җитештерүчеләргә ярдәм итүнең мөһимлеген билгеләп үтте.
Киләсе ярминкә шимбә, 26 сентябрьгә планлаштырылган. Зәй һәм район халкын анда барып, җирле җитештерүчеләрдән яңа продуктлар алырга чакырабыз!