Зәйдә Чернобыль АЭС фаҗигасендә катнашучылар белән очрашу узды
16 апрельдә Зәй районының өлкән буын аралашу үзәгендә Чернобыль АЭСы фаҗигасендә катнашучыларның Чернобыль АЭСындагы һәлакәткә 40 ел тулу уңаеннан очрашуы узды. Чара ликвидаторлар һәм Чернобыль АЭСындагы авария корбаннары истәлегенә бер минут тынлык белән башланып китте.
Зәй районы Клиентлар хезмәте җитәкчесе Лилия Камалюкова чарада катнашучыларны сәламләде һәм аларга ихлас күңелдән рәхмәт белдерде, әйләнә-тирәбездәге дөньяның тынгысызлыгы, Чернобыль фаҗигасе, һәлакәт зонасында катнашучы кешеләрнең батырлыгы турында сөйләде. Социаль фонд күрсәтә торган социаль ярдәм чараларына аерым игътибар бирде. Чара «Белем» Россия җәмгыяте үткәргән "Чернобыль кайтавазы " лекциясен тыңлау белән дәвам итте. Аннары очрашу кунаклары һәлакәт белән бәйле тарихи вакыйгаларны искә төшерделәр. Алар радиациянең никадәр куркыныч икәнлеген сөйләделәр, үз бурычларын ахырына кадәр үтәмәсәләр, аның нәтиҗәләре тагын да куркынычрак булыр иде, дип искә төшерделәр.
Чара чәй өстәле янында әңгәмә белән тәмамланды. Ветераннар үзләренең барлык сорауларына тулы җаваплар алдылар.
Чара ахырында чакырылганнарга МАХта цифрлы ID билгеләүдә ярдәм күрсәтелде.