Зәйдә рәссам Ольга Новожилова белән иҗади очрашу узды

20 январь көнне С.Рәфыйков исемендәге Үзәк китапханәдә рәссам Новожилова Ольга Васильевна белән иҗади очрашу узды. Күргәзмәнең тантаналы ачылышына рәссамның якыннары, дуслары, хезмәттәшләры, шәһәребез рәссамнары һәм рәсем сәнгатен бәяләүчеләр җыелды. Ольга Васильевна тарихы— үҗәтлек һәм үз-үзеңне белдерүгә омтылуның хыялларны тормышка ашыруга китерүе үрнәге. Тантанада рәссам кунаклар белән үзенең рәссам буларак формалашуы турындагы күңелгә үтеп керерлек тарихлары белән уртаклашты, тормышындагы якты мизгелләрне искә төшерде. Үзенең сәнгать эшчәнлеген Ольга Новожилова чагыштырмача күптән түгел - 2017 елда башлаган. Кыска гына вакыт эчендә ул һәвәскәр сәнгатьтән профессиональ сәнгатькә кадәр юл үтә. 2021 елда Татарстан Республикасы Рәссамнар берлеге әгъзасы булды. Инде бүген үк Ольга Новожилова үз осталыгын камилләштерергә омтылучы рухи-тулы рәссам. Кичә дәвамында рәссамга хезмәттәшләреннән, шул исәптән рәссамнар Лима Букина һәм Эльвира Исәнбердиновадан җылы теләктәшлек сүзләре һәм котлаулар яңгырады. Халык артисты һәм Татарстан Республикасының атказанган мәдәният хезмәткәре, популяр композитор һәм җырчы, продюсер, Яр Чаллы муниципаль берәмлеге шәҺәр Советы депутаты Виталий Васильевич Агапов аерым хөрмәт күрсәтте. Кичәнең кульминациясе - Ольга Васильевна үзенең бер эшен китапханәгә бүләк иткән күңелне нечкәрткеч мизгел булды. «Илһам мизгелләре» күргәзмәсе китапханәгә килүчеләрне гыйнвар ахырына кадәр сөендерәчәк.