Зәйдә спорт фестивале узды
19 декабрьдә "Старт" спорт-сәламәтләндерү комплексында чын спорт бәйрәме узды.Чара сәламәт яшәү рәвешен популярлаштыруга юнәлдерелгән «Спорт Россия» дәүләт программасы кысаларында үткәрелде. Балаларны "Физик культура, спорт һәм туризм идарәсе" башлыгы Илзирә Габделбәр кызы Тимеркәева һәм балигъ булмаганнар эшләре буенча комиссиянең җаваплы сәркатибе - Сергеева Виктория Сергеевна котлады. Бу ярышта катнашучылар өчен үзләрен күрсәтү, җиңү тәмен тою һәм иң мөһиме яңа дуслар табу һәм командада эшләргә өйрәнү өчен уникаль мөмкинлек булды. Ярышларда биш гомуми белем бирү учреждениесеннән: 2, 4,6,7 һәм Татар Гимназиясеннән яшь спортчылар катнашты. Балалар унбер төрле бәйгедә катнаштылар. Барлык сынау нәтиҗәләре буенча урыннар түбәндәгечә бүленде: 1 нче урынны 4 нче мәктәп командасы яулады, 2 нче урын Татар Гимназиясенә бирелде, 3 нче урынны 6 нчы мәктәп яулады, 4 нче урынны 7 нче мәктәп алды, 5 урынга 2 нче мәктәп командасы лаек булды. "Канат тарту" конкурсында 1 урын - 4 нче мәктәп, 2 урын - 2 нче мәктәп, 3 урын - 6 нчы мәктәп, 4 урын - Татар гимназиясе, 5 урын - 7 нче мәктәп булды. "Бу чара егетләр өчен командада эшләүгә чын өйрәнү булды. Балалар бик күп уңай хис-кичерешләр алдылар һәм бик канәгать калдылар", - дип, тәэсирләре белән уртаклашты 4 нче мәктәптән укытучы Краснов Ю.В. "Без "Зәй" спорт идарәсенә балаларны игътибарсыз калдырмаган һәм алар өчен шундый мөмкинлекләр тудырган өчен бик рәхмәтле", - дип тә өстәде ул.