Зәй ГРЭСы хезмәткәрләрен энергетика көне белән котладылар 1
Бүген Зәй ГРЭСында Энергетиклар көне уңаеннан тантаналы чара узды. Предприятие директоры Дмитрий Прохоров узып баручы елга йомгак ясады һәм коллективны һөнәри бәйрәмнәре белән котлады. Ул ассызыклаганча, иң мөһиме - кешеләр, бу бүген районны һәм республиканы электр энергиясе белән тәэмин итүче белгечләр.
«Татэнерго» АҖнең техник директоры Радик Галиуллин зәйлеләрне компаниянең киләчәккә планнары белән таныштырды. Коллективны район башлыгы Р.Г. Кәримов исеменнән аның вазыйфаларын башкаручы П.С. Уразайкин котлады. Ул үз чыгышында предприятиенең безнең район һәм республика өчен генә түгел, Идел буе өчен дә әһәмиятен билгеләп үтте. Петр Сергеевич энергетикларны җылы котлады һәм район һәм республика файдасына хезмәтләре өчен рәхмәт белдерде. Чара бүләкләү тантанасы белән тәмамланды, Россия Энергетика министрлыгы, Татарстан сәнәгать һәм сәүдә министрлыгы бүләкләре, Зәй муниципаль районы һәм «Татэнерго»АҖ башлыгының Мактау грамоталары тапшырылды.
Көннең төп сюрпризы яңа ашханә булды. Бәйрәмдә үк стильле дизайнлы һәм уңайлы атмосфералы яңартылган ашханә, яңа җиһазлар, бар стойкасы, диваннар һәм зур телевизор булган аерым креатив ял итү зонасы ачылды.