"Миләшкәй" балалар бакчасы 65 еллык юбилеен билгеләп үтте

Бүген юбилей көнен бәйрәм итү, "Миләшкәй" балалар бакчасы хезмәткәрләре һәм балалары өчен дә чын вакыйгага әверелде. Зәй шәһәре башлыгы исеменнән чарада катнашучыларны аның урынбасары Сергей Максимов котлады. Үсеп килүче буынны тәрбияләүгә зур өлеш керткән, балалар бакчасында озак еллар эшләгән кешеләр бәйрәмнең хөрмәтле кунаклары булды. Озак еллар намуслы хезмәтләре, үсеп килүче буынга белем һәм тәрбия бирү эшендә уңышлары өчен балалар бакчасының күп кенә хезмәткәрләре район башлыгы Разиф Кәримовның Рәхмәт хатлары белән бүләкләнделәр. Концертта балалар һәм тәрбиячеләр башкаруында бик күп матур җырлар яңгырады. Бу көнне тәрбиячеләргә һәм тату коллективка зур шәхси өлеш керткәннәре, сабырлыклары һәм балаларны яратканнары өчен күп рәхмәт сүзләре әйтелде.