Спорт мәктәбендә тәрбияләнүчеләр белән, Халыкара коррупциягә каршы көрәш көненә багышланган әңгәмә үткәрделәр

9 декабрь көнне «Зәй» спорт мәктәбе тренер-укытучылары Кәлимуллин Л.М. (ирекле көрәш) һәм Леваев Д. О. (тхэквондо) үз шәкертләре белән Халыкара коррупциягә каршы көрәш көненә багышланган әңгәмә үткәрделәр. Очрашу барышында намуслылык, гаделлек һәм җәмгыять алдында җаваплылык мәсьәләләре каралды. Спортчыларга коррупция – ул җинаять кенә түгел, ә әхлакый деградация, кешеләр арасындагы ышанычны җимерә һәм сәламәт җәмгыять нигезләрен какшата, дип аңлаттылар. Тренерлар ассызыклаганча, гадел уен принциплары спорт аренасында гына түгел, көндәлек тормышта да мөһим. Әңгәмә ахырында тренерлар спортчыларны намуслы, принципиаль һәм спортта да, тормышта да коррупциянең теләсә нинди күренешенә түземсез булырга өндәделәр.