Казанда Татарстанның эзләү берләшмәләре командирлары Советы узды

Шушы көннәрдә Татарстан Республикасының «Ватан» яшьләр берләшмәсе базасында «Хәтер вахтасын ябу – 2025» проекты кысаларында, Татарстанның эзләү берләшмәләре командирлары Советы узды. Чарада республиканың эзләү отрядлары вәкилләре катнашты. Зәй районыннан «Гвардия» хәрби-патриотик клубы җитәкчесе Виктор Никифоров катнашты. Татарстан Республикасының "Ватан" берләшмәсе" төбәк иҗтимагый яшьләр оешмасы җитәкчеләре тарафыннан узган кыр сезонына йомгак ясалды, уздырылган чаралар нәтиҗәләренә анализ ясалды һәм киләсе елга төп эш юнәлешләре билгеләнде. 2025 елда Татарстанның эзләү отрядлары тарафыннан 33 экспедиция оештырылды, аларда 489 кеше катнашты. Россиянең башка эзләү берләшмәләре белән берлектә эшләү нәтиҗәсендә 326 сугышчының мәетен күтәрделәр. Татарстанның эзләү берләшмәләре командирлары советы башкарылган эшнең югары нәтиҗәлелеген раслады һәм Ватанны саклаучылар истәлеген мәңгеләштерү эшендә яңа нәтиҗәләргә ирешү өчен амбициоз максатлар билгеләде. Соңыннан эзләү берләшмәләренең барлык җитәкчеләре дә киләчәк эзләү экспедицияләрендә уңайлы шартлар тудырачак файдалы бүләкләр алдылар. Татарстан Республикасының "Ватан" берләшмәсе" төбәк иҗтимагый яшьләр оешмасы Татарстан Республикасында "Россиянең эзләнү хәрәкәте" нең төбәк бүлеге булып тора.