Зәй халкы махсус хәрби операциядә катнашучылар белән хушлашты

Бүген Зәй халкы махсус хәрби операциядә катнашучылар –контракт хезмәте рядовойлары Куркин Артем Валентинович һәм Рахманов Динар Айнур улы белән хушлашты. Матәм панихидасы Мирный микрорайоны мәдәният йортында узды. Район башлыгы урынбасары П.С. Уразайкин һәлак булганнарның туганнарына һәм якыннарына кайгы уртаклашу сүзләре белән мөрәҗәгать итте. "Хөрмәтле хәрбиләрнең туганнары һәм якыннары! Татарстан Республикасы Рәисе, район башлыгы, шәхсән үз исемемнән һәм барлык зәйлеләр исеменнән авыр югалту белән бәйле рәвештә кайгыгызны уртаклашам. Якын кешеңне югалтуның авыртуын бернинди сүз белән дә җиткереп булмый. Бу авыр көннәрдә сезгә һәм якыннарыгызга сабырлык һәм ныклык телим. Сугышчылар тыныч кына ятсыннар! диде Петр Сергеевич. Зәй шәһәре һәм Зәй районы хәрби комиссары вазыйфаларын башкаручы Александр Гурьянов та кайгы уртаклашты. Хәрбиләрне соңгы юлга барлык хәрби хөрмәтләр белән озаттылар. Солдатларны бер минут тынлык белән искә алдылар, чәчәкләр салдылар. Артем Куркинны – Яңа шәһәр микрорайоны зиратына, Динар Рахмановны Югары Пәнәче авылы зиратына җирләделәр. Ватанны саклаучыларга мәңгелек дан!