"Факел"да икенче лагерь сменасын ачу тантанасы булды
Бүген "Факел"да икенче лагерь сменасын ачу тантанасы булды. Чарада район башлыгы Разиф Кәримов, яшьләр эшләре идарәсе җитәкчесе Гүзәл Шәрәфиева, мәгариф идарәсе җитәкчесе Эрнст Сәфәргалиев катнашты.
Разиф Гали улы ял итү һәм сәламәтләнү өчен «Факел» сайлаган 230 баланы котлады, аларга сәламәтлекләрен ныгытуларын, яхшы дуслар табуларын, вакытларын файда белән уздыруларын теләде, моның өчен район территориясендә барлык кирәкле шартлар тудырылган, дип ассызыклады ул.
Балалар лагеренда ял итү-балаларга ата-аналарыннан читтә вакыт уздыру, мөстәкыйльлеккә өйрәнү, коллективта җайлашу, яңа күнекмәләр алу һәм сәламәтлекләрен ныгыту мөмкинлеге ул.
Быел «Факел» өлеше яңа концепция буенча эшли. "Идея архитекторлары" программасы балаларга үзләренең инженер-техник күнекмәләрен һәм креативлыкларын үстерү өчен уникаль мөмкинлек тәкъдим итә. Практик биремнәргә һәм уеннарга чуму балаларга технологияләр турында күбрәк белергә генә түгел, ә командада эшләргә өйрәнергә дә ярдәм итәчәк, бу хәзерге дөньяда мөһим күнекмә булып тора.