ТР балигъ булмаганнар һәм яшьләр турындагы законнарны үтәү сагында

20 июньдә Казан шәһәренең «Яратам» яшүсмерләр клубында Татарстан Республикасының яшәү урыны буенча яшьләр (яшүсмерләр) клубларын үстерү буенча Консультатив совет киңәшмәсе булды. Киңәшмә эшендә Зәй районының «яшьләр үзәге» муниципаль бюджет учреждениесе директоры Ирина Белан катнашты. Фикер алышу Татарстан Республикасының балигъ булмаганнар һәм яшьләр турындагы законнарның үтәлешен күзәтү бүлеге прокуроры Гайсин Илдар Рөстәм улының чыгышы белән башланып китте, ул хокук бозу өлкәсендә яшүсмерләргә кагылышлы кискен проблемалар турында сөйләде. Яшьләр клублары, ишегалды һәм ял итү мәйданчыклары базасында җәйге каникул чорында яшүсмерләр белән социаль-тискәре күренешләрне профилактикалау буенча эшләүче белгечләрнең эшенә аерым игътибар бирелде. Әлеге юнәлештә республика муниципаль берәмлекләренең иң яхшы тәҗрибәләре һәм проектлары тәкъдим ителде. Киңәшмә Яшьләр эшләре буенча министрның беренче урынбасары Галиева-Мостафина Софья Альфред кызы катнашында узды.