Паркка язгы сәфәр

Яз көне табигать җанлана. «Тату гаилә» балалар бакчасында тәрбияләнүчеләр дә бу гаҗәеп үзгәрешләрне күзәтү мөмкинлеген кулдан ычкындырмадылар! «ЭКО яз-2026» масштаблы экологик акциясе кысаларында балалар Р.Ш. Фәрдиев исемен йөртүче паркка танышу экскурсиясе ясадылар. Сәфәр вакытында балалар бозның тулысынча эреп бетүен, суның күтәрелүен билгеләп үттеләр. Балалар сулыкларны ни өчен сакларга кирәклеген белделәр: чиста су – кешеләр, хайваннар һәм үсемлекләр өчен тереклек нигезе ул. Сулыклар балыклар, бакалар, бөҗәкләр һәм су кошлары өчен йорт булып хезмәт итә. Яр буендагы чүп-чарның суга эләгеп, аны агулавын – табигатькә зыян китерә алуын ачыкладылар. Без ничек ярдәм итә алабыз - чүп-чарны яр буйларына ташламаска кирәк. Хәзер балалар белә: сулыклар чиста һәм тере булып калсын өчен, алар хакында кайгыртырга кирәк!