Казанда Сабантуй: Зәй ишегалды кунакларны каршы ала!
Бүген республикабыз башкаласында халык бәйрәме Сабантуй уза. Казан якты хис-кичерешләр, халык традицияләре һәм онытылмас тәэсирләр үзәгенә әверелде. Республиканың 11 муниципаль районы Мирный бистәсендәге урман массивында үз хуҗалыкларын тәкъдим итте. Бәйрәмнең үзәгендә Зәй ишегалды! Мөхтәрәм кунакларны биредә фольклор коллективлары, район мәдәният йорты солистлары, район башлыгы Разиф Кәримов, Ясмин, Айдар Сөләйманов һәм шулай ук «Сабантуй гүзәле» муниципаль конкурсында катнашучы кызлар һәм җиңүчеләр милли киемнәрдә чәкчәк, икмәк, кош теле белән каршы алалар. Үзәк өлештә милли көрәш буенча ярышлар уза. Ишегалдының уң ягында зур өстәл урнаштырылган, анда кунакларга Зәй районының борынгы рецептлары буенча татар милли ризыгы кыстыбый әзерләү буенча мастер-класс, күргәзмәдә декоратив-гамәли сәнгать әйберләре – балчыктан эшләнгән әйберләр, кул эшләре, фито-чәй тәкъдим ителә. Район мәдәният хезмәткәрләре көче белән ротангтан кәрзин үрү, татар баш киеме-түбәтәй ясау буенча мастер - класслар оештырыла. Аннары Зәй муниципаль районы продукциясе күргәзмәсе куелган ике сәүдә палаткасы урнаштырылган. Күпер янында агач астында «Умартачылык» күргәзмәсе уза, янәшәдә терлекләр абзары урнашкан. Алга таба татар эстрадасы йолдызлары, районда туганнар һәм иҗат коллективлары чыгыш ясаган сәхнәне күрергә мөмкин.
Мунча-профессиональ мунчачы ярдәмендә парлы бүлмәнең могҗизалы үзенчәлеген үзеңдә сынап карарга мөмкин булган гамәлдәге корылма. Аның алдында өстәл һәм утыргычлар урнаштырылган, анда үлән чәе белән сыйланырга мөмкин.
Тегермән-бинада мини-театральләштерелгән башакларны эшкәртү тамашасы күрсәтелә. Чәй өстәле янында утын мичендә борынгы рецепт буенча коймак пешерәләр, шулай ук кунакларга самовардан шифалы үләннәрдән һәм җиләкләрдән чәй тәкъдим ителә.
Бүген Мирныйның үзәк мәйданында бөтен республиканың иң яхшы бию һәм вокал коллективлары чыгыш ясаячак. Мәйданчыкта барлыгы 2 меңнән артык артист көтелә. Быелгы бәйрәмнең төп темасы гаиләдә милли традицияләрне саклау һәм тапшыру булачак.