Зәйлеләр махсус хәрби операциядә катнашкан хәрби белән хушлашты

Бүген зәйлеләр махсус хәрби операциядә катнашучы Афанасьев Сергей Александровичны соңгы юлга озаттылар. Хәрби хезмәткәр хәрби бурычны үтәгәндә һәлак булган. Матәм чарасы "Энергетик" мәдәният йортында узды. Район башлыгы Разиф Кәримов, җиденче чакырылыш Татарстан Республикасы Дәүләт Советы депутаты Рияз Комаров һәлак булучының туганнарына һәм якыннарына кайгы уртаклашу сүзләре белән мөрәҗәгать иттеләр. Чарада катнашучылар солдатны бер минут тынлык белән искә алдылар. Хәрби хезмәткәрне соңгы юлга барлык хәрби хөрмәтләр белән озаттылар. Сергей Александровичны Зәй-2 микрорайоны зиратына җирләделәр. Зәйлеләр күңелендә аларны яклаучы хәрбинең истәлеге озак сакланыр.