Зәйдә махсус хәрби операциядә катнашучылар белән хушлаштылар
Бүген зәйлеләр якташларын – рядовой Краснов Руслан Павловичны һәм ефрейтор Опалев Виталий Александровичны соңгы юлга озаттылар. Матәм чарасы «Энергетик» мәдәният йортында узды.
Район башлыгы Р. Г. Кәримов һәлак булганнарның туганнарына һәм якыннарына кайгы уртаклашу сүзләре белән мөрәҗәгать итте: "Бүген без якташларыбыз Краснов Руслан Павлович һәм Опалев Виталий Александровичны соңгы юлга озатабыз-алар безнең заманның чын геройлары, һәркайсы батырлык һәм Ватанга мәхәббәт үрнәге. Татарстан Республикасы Рәисе, шәхсән үз исемемнән һәм барлык зәйлеләр исеменнән кайтарып булмаслык югалту белән бәйле рәвештә кайгыгызны уртаклашам. Руслан Павлович һәм Виталий Александрович зәйлеләрнең күңелендә чын батырлык һәм патриотизм үрнәге булып калыр!"
Җыелучылар алдында шулай ук Зәй шәһәре һәм районы хәрби комиссары А.Ф. Әгъләмҗанов чыгыш ясады. Аларны бер минут тынлык белән искә алдылар.Хәрбиләрне соңгы юлга барлык хәрби хөрмәтләр белән озаттылар. Краснов Руслан Павловичны Сәвәләй авылы зиратына, Опалев Виталий Александровичны Мирный микрорайоны зиратына җирләделәр. Без үзебезнең батыр сугышчыларыбызга чиксез рәхмәтле, шул ук вакытта һәркайсыбыз Ватанны саклаучы солдатлар алдында бурычлы! Батыр сугышчыларга мәңгелек дан!