Зәй районы кырларында чәчүлекләрне кабул итү комиссиясе эшләде
Бүген районның авыл хуҗалыгы оешмаларында чәчүлекләрне кабул итү булды. Анда район башлыгы Разиф Кәримов, авыл хуҗалыгы һәм азык-төлек идарәсе башлыгы һәм белгечләре, Россельхозцентрның Татарстан Республикасы филиалы башлыгы, «Агрокөчләр» АҖ, «Союз-Агро» ҖЧҖ, барлык агрофирма белгечләре катнашты. Чәчүлекләрнең торышын объектив күрсәтү өчен комиссия үз эшен иртә таңнан башлады һәм кич белән генә төгәлләде. Комиссия эшләгән һәр басуда чәчүлекләрнең торышы, чәчелгән орлыкларның вакытлары, тирәнлеге һәм сортлары бәяләнде һәм кырга бәя бирелде. Көзге бодай, сабан бодае, шикәр чөгендере, көнбагыш, кукуруз һәм арпа кырлары бик әйбәт. Барлык кырлар да минераль ашламалар белән, шулай ук күп кырлар яфрак белән тукландырылган, бер үк вакытта чүп үләннәргә һәм авыруларга каршы гирбицидлар кертелгән. Тикшерү нәтиҗәләре буенча комиссия 2025 елгы «Чәчү батыры» н, шулай ук авыл хуҗалыгы бүлекчәләре буенча призлы урыннарны билгеләде. Йомгак ясап, район башлыгы Разиф Галиевич агрофирмаларның һәм КФХларның белгечләренә, механизаторларына язгы кыр эшләрен сыйфатлы башкарганнары өчен рәхмәт белдерде. 2025 елгы уңышның нигезе булдырылды, районда икмәк булыр дип тулы ышаныч белдерергә була.