Зәйдә «Өченче яшь» пенсионерлар спартакиадасының муниципаль этабы узды
Зәйдә 1941-1945 еллардагы Бөек Ватан сугышында Җиңүнең 80 еллыгына багышланган "Өченче яшь" пенсионерлар спартакиадасының муниципаль этабы узды. Чара «физик культура һәм спортны үстерү» дәүләт программасын гамәлгә ашыру кысаларында үткәрелде. Анда 30дан артык кеше катнашты. Катнашучылар физик әзерлекләрен һәм спорт рухын күрсәтеп, берничә дисциплинада көч сынаштылар. Спартакиада программасына җиңел атлетика, дартс, йөзү, пневматик винтовкадан ату кебек спорт төрләре керде. Моннан тыш, теләүчеләр сәламәтләндерү зарядкасында һәм ГТО нормативларын тапшыруда катнаша алдылар. Һәр катнашучы иң яхшы нәтиҗәләр күрсәтергә омтылды, ә ярышлар атмосферасы дустанә һәм үзара ярдәмләшү белән тулы иде. Ярыш йомгаклары буенча һәр дисциплинада җиңүчеләр һәм призерлар билгеләнде. Аларга лаеклы бүләкләр-медальләр, грамоталар тапшырылды. Әмма спартакиаданың төп нәтиҗәсе иң яхшы спортчыларны ачыклау гына түгел, ә сәламәтлекне ныгыту, тормыш тонусын күтәрү һәм өлкән буынның аралашу даирәсен киңәйтү булды. Чараны оештыручылар барлык катнашучыларга да актив катнашулары һәм спорт рухы өчен рәхмәт белдерделәр, өлкән яшьтәге гражданнарны системалы рәвештә физик культура һәм спорт белән шөгыльләнүгә җәлеп итүнең иң мөһим юнәлешләрнең берсе булуын билгеләп үттеләр. Муниципаль этап призерлары спартакиаданың республика финалында катнашачак, ул Казанда узачак. Җиңүчеләр һәм призерлар: пневматик винтовкадан ату буенча: ирләр арасында 1 урын Хатимов Таһир, 2 урын Лапин Виктор, 3 урын Гербулов Юрий, хатын-кызлар арасында 1 урын Марго Ирина, 2 урын Казамарова Фәридә, 3 урын Николаева Антонида; йөзү буенча: 1 урын Лапин Виктор, 2 урын Гущин Анатолий, 3 урын Захаров Николай, хатын-кызлар арасында 1 урын Куликова Ирина, 2 урын Гатауллина Людмила, 3 урын Никитина Евгения; җиңел атлетика буенча ир-атлар арасында 1 урын Хатимов Таһир, 2 урын Захаров Николай, 3 урын Гущин Анатолий, хатын-кызлар арасында 1 урын Мухина Надежда, 2 урын Хәтимова Сиринә, 3 урын Куликова Ирина, Каташова Рәмзия; дартс буенча ир-атлар 1 урын Хәтимов Таһир, 2 урын Лапин Виктор, 3 урын Аблакотов Валерий, хатын-кызлар арасында 1 урын Николаева Антонида, 2 урын Пискунова Валентина, 3 урын Каташова Рәмзия булды.