Спорт көрәше буенча Бөтенроссия ярышлары узды

2025 елның 26 мае, дүшәмбе

23 майдан 26 майга кадәр Новосибирск шәһәрендә «Обь» спорт клубы» ФСРДС призына спорт көрәше буенча Бөтенроссия ярышлары узды. Ярышларда Кемеров өлкәсе, Новосибирск өлкәсе, Красноярск крае, Хакасия, Тыва Республикасы, ХМАО, Бурятия, Томск өлкәсе, Татарстан Республикасыннан 214 спортчы катнашты. Татарстан Республикасы җыелма командасы составында Зәй спортчылары Хөснуллина Алинә һәм Әгъләмова Айза - (тренерлары  Рамил Равил улы Салихов) катнашты. Ике көн дәвамында турнирның иң көчле көрәшчеләре исеме өчен көрәштеләр. Ярыш йомгаклары буенча Хөснуллина Алинә 62 нче үлчәү категориясендә 2 нче урынны, 36 кг авырлык категориясендә Әгъләмова Айза шулай ук 2 нче урынны яулады.