Зәйдә гомумшәһәр ата-аналар җыелышы узды
20 майда Балалар иҗат йорты базасында балигъ булмаганнарның хокук бозуларын профилактикалауга багышланган гомумшәһәр ата-аналар җыелышы узды. Чарада шәһәр мәктәпләреннән 70тән артык ата-ана җәмәгатьчелеге вәкилләре, шулай ук прокуратура органнары, эчке эшләр бүлеге һәм Зәй үзәк район хастаханәсе вәкилләре катнашты. Зәй үзәк район хастаханәсе психологы В.В. Фәрхетдинова кризис хәлендәге һәм суицидаль тәртипле балигъ булмаганнарга психологик-психотерапевтик ярдәм оештыру, аутоагрессив хәлдәге яшүсмерләргә психологик ярдәм күрсәтүнең ысуллары, шулай ук халыкка «Өмет линиясе» ышаныч телефоны эше турында мәгълүмат бирде. Зәй муниципаль районы территориясендә наркоситуациянең торышы, шул исәптән балигъ булмаганнар катнашында наркотикларның законсыз әйләнеше турындагы мәгълүматны Россия Эчке эшләр министрлыгының Зәй районы буенча бүлеге полиция (оператив эш буенча) башлыгы урынбасары Э.Н. Ефимов җиткерде. Балигъ булмаганнар катнашында тикшерелгән җинаять эшләре турындагы мәгълүмат белән, Россия Тикшерү комитетының Татарстан Республикасы буенча Тикшерү идарәсенең Зәй районара тикшерү бүлеге җитәкчесе вазыйфаларын башкаручы А. А. Тарасенко чыгыш ясады. Балигъ булмаганнарның хокук бозуларын һәм күзәтүчесезлеген профилактикалау турындагы законнарның үтәлешенә күзәтчелек мәсьәләләре буенча Зәй шәһәр прокуратурасы ярдәмчесе Л. Ф. Рәхимҗанова чыгыш ясады. Җыелыш барышында ата-аналар үзләрен кызыксындырган темаларга кагылышлы төрле сораулар бирә алдылар. Барлык сораулар да игътибар белән тыңланды һәм аларга җаваплар алынды. Чара ата-аналарның, педагогларның һәм башка белгечләрнең намуслы һәм грамоталы буын тәрбияләүдәге тырышлыкларын берләштерүгә, шулай ук балаларыбыз өчен имин һәм ярдәмчел мохит булдыруга юнәлдерелгән иде.