Зәй эзләнүчеләре «Хәтер вахтасы-2025 " Бөтенроссия экспедициясендә катнаштылар
Ел саен Зәйнең "Гвардия" хәрби-патриотик клубы Волгоград өлкәсенең Городище районына экспедициядә катнаша, анда 1942-1943 елларда Сталинград янында каты сугышлар була. Быел да 24 апрельдән 40 эзләүче һәр көнне Ватанны саклаганда һәлак булган һәм хәбәрсез югалган сугышчыларның калдыкларын табу өстендә эшләде.. «Хәтер вахтасы-2025» Бөтенроссия эзләү экспедициясе "Яшьләр һәм балалар» милли проекты кысаларында узды. Әлеге проект милли максатларның берсен — яшьләргә патриотик тәрбия бирүне тормышка ашыра. Казу эшләре нәтиҗәсендә РККАның 13 солдаты һәм командиры калдыклары, корал фрагментлары, шәхси әйберләр табылды һәм эксгумацияләнде. Кызылармияченең табылган кенәгәсе исемен ачыклау өчен экспертизага җибәрелгән. 2025 елның августында Кызыл Армия солдатлары җәсәдләре Волгоград өлкәсенең Россошинск хәрби-мемориаль комплексы территориясендә барлык хәрби һәм рухи хөрмәтләр белән җирләнәчәк. Сталинград сугышы кешелек тарихында иң каты һәм канкойгыч сугышларның берсе булды. Эзләүчеләрнең бурычы - Ватан өчен сугышкан кызылармиячеләрне күтәрү һәм исемнәрен халыкка кайтару.