Зәйдә районның Икътисадый совет утырышы узды
Бүген кече Фәннәр академиясенең актлар залында район башлыгы Р.Г. Кәримов рәислегендә Зәй муниципаль районы Икътисадый советының чираттагы утырышы узды. "Татэнерго" филиалы - Зәй ГРЭСының 2024 ел, 2025 елның 1 кварталы эш нәтиҗәләре һәм 2025 елга перспективалы үсеш планнары турында» нотык белән филиал директоры Прохоров Дмитрий Валерьевич чыгыш ясады. Зәй ГРЭСЫ-2204,9 МВт куәтле конденсация тибындагы электростанция, аның төп эшчәнлек төрләре: электр энергиясе җитештерү, җылылык энергиясен һәм җылылык йөртүчене җитештерү, тапшыру һәм сату. Электр станциясенең төп бурычлары булып, тулаем алганда предприятиенең нәтиҗәле эш режимын һәм кулланучыларны электр һәм җылылык белән тәэмин итүнең ышанычлылыгын тәэмин итүгә юнәлдерелгән чаралар тора. Аларга түбәндәгеләр керә: Зәй ГРЭСының инвестиция программасына кертелгән эшләрне тулы күләмдә башкару; 2025-2026 елларга сыйфатлы, авариясез җылыту сезонын әзерләү һәм тәэмин итү; төп һәм ярдәмче җиһазларны вакытында һәм сыйфатлы ремонтлау. Икътисадый совет әгъзалары директорның докладын тыңлап, фикер алыштылар.
Разиф Гали улы утырышка йомгак ясап, шәһәр төзүче предприятиенең җайга салынган эшен уңай билгеләде, коллективка электр һәм җылылык энергиясен җитештерү темпларын арттырганнары өчен рәхмәт белдерде, киләчәктә дә эшләрендә уңышлар теләде.