«Җиңүгә 80 километр» спорт-патриотик акциясе узды

6 майда Зәй шәһәренең “Энергия” стадионында халыкны патриотик тәрбияләүгә, Ватанны саклаучылар истәлеген мәңгеләштерүгә, сәламәт яшәү рәвешен пропагандалауга, Зәй муниципаль районында җиңел атлетиканы популярлаштыруга юнәлтелгән “Җиңүгә 80 километр” спорт-патриотик акциясе тәмамланды. Бу көнне катнашучылар 2 чакрымдагы йомгаклау дистанциясен үтү белән бергә, зур вакыйганы да билгеләп үттеләр. Җыелганнар флешмобта катнаштылар, аның барышында бердәмлекне һәм Җиңүгә омтылышны символлаштыручы 80 цифры булдырылды.