«Истәлеккә агач утырт»

«Алтынчәч» балалар бакчасында бик күп еллар инде матур гадәт бар – ел саен яз көне «Истәлеккә агач утырт» акциясе уза. Мәктәпкә хәзерлек төркеме балалары һәм әти - әниләр мәктәпкә китәр алдыннан бакча биләмәсенә агач утырталар. Быел да бу матур гадәттән читтә калмадылар. Әти – әниләр төрле җимеш агачлары алып килделәр. Барысы бергә җыелып агачларны бакчага утырттылар. Бу үзенә күрә бер бәйрәм булды. Әти - әниләр агач утырканда алар янында шат йөзле балалар йөгереп йөри. Кемдер агач утыртыр өчен чокыр казый, кемдер агачны тотып тора, кемдер су сибә. Бу бердән күңелле күренеш булса, икенче яктан балаларга хезмәт тәрбиясе бирү һәм табигатьне саклауга этәргеч булып тора. Агачларны утырткач, барлык әти - әниләр, балалар белән истәлеккә фотога төштеләр. Бу очрашудан барысы да зур канәгатьләнү хисе белән таралышты. Әти-әниләр арасында ялга кайткан махсус хәрби операциясендә катнашучы каһарман да булуы чарага патриотик эчтәлек өстәде.