Планетаны сакла

ЭКОЯЗ акциясе кысаларында Зәйнең 9 нчы мәктәбендә экодәресләр уза. Әлеге дәресләрдә чүп-чарны аерым җыю, аларны алга таба эшкәртү мәсьәләләре каралды. Видеодәресләр, биремнәр һәм сораштырулар форматында укучыларга Россиядә калдыкларны җыю системасы, каты коммуналь калдыклар өлкәсендә дөньякүләм тәҗрибә турында мәгълүмат җиткерелде. 22 апрель көнне Халыкара Җир көне кысаларында планетаның табигый ресурсларын саклауга, елга һәм күлләрне чистартуга һәм саклауга, әйләнә-тирә мохитне һәм планетабызда яшәүче хайваннарны саклауга багышланган дәресләр үткәрелде. Дәресләр укучыларда кешенең экологик җаваплылыгы проблемасына зур кызыксыну уятты. Экомарафон кысаларында укучыларыбыз ата-аналары белән бергә йорт яны территорияләрен һәм йорт яны кишәрлекләрен төзекләндерү буенча чаралар үткәрделәр. Алар бик теләп эшкә керештеләр: агачларны агарттылар, чәчәкләр утырттылар, чүп-чарны җыештырдылар, үз территорияләрендә ямь һәм чисталык тудырдылар. Аларның һәркайсы вакытларын күңелле үткәреп, чиста һәм матур тирәлек булдыруга үз өлешләрен кертте.