4 нче мәктәп коллективы - Бөтенроссия өмәсендә

26 нчы апрель көнне узган Бөтенроссия өмәсендә 4 нче урта гомуми белем бирү мәктәбенең педагогик коллективы да актив катнашты. Мәктәп укытучылары "Көньяк" паркын чүп-чардан һәм узган елгы коелган яфраклардан чистартып, яңа сезонга әзерләделәр. Шулай ук паркның җәяүлеләр юллары тәртипкә китерелде. Өмә - ул тәртип урнаштыру мөмкинлеге генә түгел, саф һавада йөрү, хезмәттәшләр белән аралашу һәм әйләнә-тирә мохиткә сакчыл караш тәрбияләү өчен дә менә дигән чара.