«Туган як, безнең Татарстан» дип исемләнгән туган якны өйрәнү сәгате узды

Россиянең традицион рухи-әхлакый һәм мәдәни-тарихи кыйммәтләре нигезендә үсеш алган, патриотик һәм социаль җаваплы шәхес тәрбияләүгә юнәлдерелгән «Яшьләр һәм балалар» илкүләм проектының «Без бергә» федераль проекты кысаларында ТАССР оешуга 105 ел тулу уңаеннан С. Рәфыйков исемендәге Үзәк китапханәдә 7 нче урта мәктәбенең 7 нче сыйныф укучылары өчен «Туган як, безнең Татарстан» дип исемләнгән туган якны өйрәнү сәгате узды. Балалар Татарстанның тарихи үткәненә мавыктыргыч сәяхәт ясадылар, истәлекле урыннар, мәдәният, традицияләр, уеннар, шулай ук танылган кешеләрнең биографияләре белән таныштылар. Аннары укучылар «Татарстанның туган киңлекләре буйлап» дип аталган викторинасы сорауларына актив җавап бирделәр, «Түбәтәй», «Капчык киеп йөгерү», «Йомырка белән йөгерү» уеннары һәм конкурсларында катнаштылар. Татар мәкальләрен һәм әйтемнәрен белүләре тикшерделәр. «Гасырларда яшә, минем республикам! » дип исемләнгән китап күргәзмәсендә тарихны, аның күпмилләтле мәдәниятен һәм гореф-гадәтләрен чагылдырган китаплар, альбомнар тәкъдим ителде. Балалар һәм укытучылар чараны оештыручыларга Татарстан тарихы, аның танылган кешеләре, гореф-гадәтләре һәм мәдәнияте турында кызыклы һәм эчтәлекле итеп сөйләгәннәре өчен чын күңелдән рәхмәт белдерделәр.