Зәйдә махсус хәрби операциядә катнашучылар белән хушлаштылар

16 апрельдә Зәйлеләр якташларын - махсус хәрби операциядә катнашучы рядовой Титов Александр Алексеевич һәм Серебряков Вячеслав Ивановичны соңгы юлга озаттылар. Матәм чарасы «Энергетик» мәдәният йортында узды. Һәлак булганнарның туганнарына һәм якыннарына кайгы уртаклашу сүзләре белән район башлыгы Разиф Гали улы Кәримов, җиденче чакырылыш Татарстан Республикасы Дәүләт Советы депутаты Рияз Фоат улы Комаров, Зәй шәһәре һәм Зәй районы хәрби комиссары Айрат Фоат улы Әгъләмҗанов мөрәҗәгать итте. Бер минут тынлык белән солдатларны искә алдылар. Хәрбиләрне соңгы юлга барлык хәрби хөрмәтләр белән озаттылар. Ватанны саклаучыларга хөрмәт һәм дан!