Игътибар объективында- гаилә!

Һәр кеше язмышының нигезе - гаиләдә. Гомумән алганда, бөтен җәмгыятьнең социаль сәламәтлегендә дә гаилә роле бик зур. Шуңа күрә гаиләнең иминлеге «Гаилә» милли проекты кысаларында социаль ятимлекне кисәтү буенча эшчәнлекнең өстенлекле юнәлеше булып тора. «Радость» халыкка социаль хезмәт күрсәтү комплекслы үзәге белгечләре гаиләләр проблемаларын хәл итү буенча Зәй муниципаль районы профилактикалау системасының барлык органнары эшчәнлеген һәм ведомствоара хезмәттәшлекне активлаштыру кысасында «Социаль куркыныч хәлдә булган гаиләләрне һәм балаларны исәпкә алу һәм мониторинглау» автоматлаштырылган системасында эшләү буенча укыту семинарлары үткәрә. Чираттагы семинар-практикум 10 апрельдә аерым фәннәрне тирәнтен өйрәтүче 7 нче урта мәктәптә узды. Семинарда шәһәр һәм район мәктәпләре һәм балалар бакчалары вәкилләре, муниципаль социаль тернәкләндерү консилиумы әгъзалары, район профилактикасының төрле субъектлары вәкилләре, авыл җирлекләре башлыклары катнашты. Очрашу кысасында «Радость» үзәгенең гаиләгә һәм балаларга социаль ярдәм бүлекчәсенең тәҗрибәле белгечләре мәгълүмат алмашу регламенты, автоматлаштырылган система структурасы, мәгълүматны базага кертү алгоритмнары һәм критерийлары турында мәгълүмат бирде. Катнашучылар сораулар бирә һәм яңа белемнәр ала, системада эшләү күнекмәләрен ныгыта һәм камилләштерә алдылар. Семинар ахырында катнашучыларны мәгълүмати системада социаль куркыныч хәлдәге гаиләләрне ачыклау эшен активлаштыру һәм гаиләләрне тернәкләндерү буенча индивидуаль программа чараларын 100%ка үтәргә чакырдылар. Мондый чаралар һөнәри элемтәләр һәм хезмәттәшлек челтәрен булдыруга ярдәм итә.