Район башлыгы капиталь ремонт һәм төзелеш объектларын карап чыкты

Бүген район башлыгы Разиф Кәримов шәһәр һәм районның капиталь ремонт һәм төзелеш объектларын тикшерде. Эш планына 22 объект кертелгән иде. Разиф Гали улы Җиңү проспектындагы юл - урам челтәрен, Тукай урамыннан Октябрь урамына кадәр Нефтьчеләр проспектын, Ленин урамыннан Нефтьчеләр проспекты 18 нче йортына кадәр, Никифоров урамыннан Рәфыйков урамына кадәр, Нефтьчеләр проспекты, 32 нче йорт ишек алларын карап чыкты. Разиф Гали улы шулай ук Ленин урамы, 7, 7а, 9, 11 күпфатирлы йортларындагы, хакимият бинасында баручы капиталь ремонтлау эшләренең барышы белән танышты. Район башлыгы белән бергә Башкарма комитет җитәкчесе Эмиль Галиев, подряд оешмалары һәм җаваплы хезмәтләр вәкилләре катнашты. Комиссия шулай ук үзәк урамнарга асфальт җәю планлаштырылган Чыбыклы, Якты Күл, Александр Бистәсе авылларының юл - урам челтәрләрен, Зәй-2 дәге Орджоникидзе урамының юл - урам челтәрен, ФАП, Югары Баграж авылы чиркәвен, 2 нче биологик чистарту корылмаларын карады. Разиф Гали улы графикка кертелгән барлык 22 объектта төзелеш – ремонт эшләре белән танышканнан соң, подрядчылар белән аларны куллануга тапшыру вакытын билгеләде. Төзүчеләрнең һәм подрядчыларның игътибарын башкарылган эшләрнең сыйфатына юнәлтте, тикшерү нәтиҗәләре буенча җаваплы затларга тиешле йөкләмәләр бирде.