Зәйдә экологик акцияләр: батареялар җыю, кошларга ярдәм итү дәвам итә
Яз-табигатьнең уяну чоры гына түгел, ә Зәй һәм район халкының чисталык һәм тәртип урнаштыру буенча актив эшләү чоры да. Быел да, алдагы еллардагы кебек үк, санитар-экологик икеайлык старт алды, аның кысаларында экологик чисталык марафоны һәм «ЭкоЯз»конкурсы уза. Бу инициативалар «экологик иминлек» милли проектын хуплый һәм шәһәр халкын үз җирләрен чистарак һәм уңайлырак итү омтылышында берләштерә.
Канатлы дуслар сак астында
«ЭкоЯз» конкурсы 1 апрельдә башланды һәм беренче атна кошлар турында кайгыртуга багышланды. Катнашучыларга сыерчык оялары һәм җимлекләр ясарга, каурыйлыларга язгы катлаулы чорны кичерергә ярдәм итәргә тәкъдим ителде. Сәвәләй мәктәбенең 6 нчы сыйныф волонтер-экологлары үзләрен иң актив итеп күрсәттеләр. Балалар җимлекләр ясадылар һәм аларны уку йорты территориясенә элеп куйдылар. Бу файдалы эш кенә түгел, мавыктыргыч шөгыль дә", – дип уртаклаштылар укучылар. Хәзер без көн саен азык сибәбез һәм кошларның җимлекләребезгә очып килүен күзәтәбез».
Калдыкларның икенче тормышы
8 апрельдән икенчел эшкәртүгә һәм чүп-чарны аерым җыюга багышланган конкурсның яңа этабы башланды. Оештыручылар катнашучыларга СВОГА ярдәм итү өчен икенчел чималдан окоп шәмнәре ясарга; макулатура җыярга; иске киемнәрне кабул итү пунктларына тапшырырга тәкъдим итәләр. Катнашу өчен биремне үтәргә, «ВКонтакте» социаль челтәрендә постны (катнашучылар саны, акциянең тасвирламасы, нәтиҗәләре) бастырып чыгарырга һәм 13 апрельгә кадәр Eco.pros@tatar.ru почтасына сылтама җибәрергә кирәк. Ватанны саклаучылар елына һәм Бөек Ватан сугышында Җиңүнең 80 еллыгына багышланган чараларга өстәмә баллар бирелә. Конкурс шартлары белән тулырак түбәндәге сайтта танышырга була: https://eco.tatarstan.ru/2025-8229149.htm
Батарейкаларны -эшкәртүгә!
26 майдан 31 майга кадәр агын бер мөһим экологик инициатива: эшкәртелгән батареяларны җыю узачак.Татарстанда 50дән артык кабул итү ноктасы шул исәптән Зәй районында да ачылачак. «Алтынчач» һәм «Тылсымлы әкият» балалар бакчаларында тәрбияләнүчеләр акциягә кушылдылар инде, алар һәм көн саен махсус савытларны тулыландыралар. "Балаларга кечкенәдән үк гади чүп-чарга ташланган кечкенә батареяның да табигатькә зур зыян китерүен аңлату мөһим", - дип билгели тәрбиячеләр. Экология-һәркемнең эше. Зәйлеләр ел саен әйләнә – тирә мохит турында кайгыртуның сүз генә түгел, ә реаль гамәлләр булуын исбатлый. Өмәләрме, агач утыртумы яки икенчел чимал җыюмы-һәркем туган як табигатен саклауга үз өлешен кертә ала. Экологик акцияләргә кушылыгыз, Без бит бергәләп шәһәребезне һәм районыбызны чистарак һәм яшелрәк итә алабыз!