Зәйдә хезмәтне саклау буенча Координация советы утырышы узды
Бүген киңәшмә залында район Башкарма комитеты җитәкчесе Э.Э. Галиев рәислегендә хезмәтне саклау буенча Координация советы утырышы узды. Көн тәртибенә түбәндәге мәсьәләләр кертелде: "Хезмәтне саклау буенча Координация советының 2024 елгы эшенә йомгак ясау һәм Зәй районының 2025 елга координация советының эш планын раслау", "Шәһәр һәм район предприятиеләрендә хезмәтне саклау өлкәсендәге законнарны үтәү", "Предприятиеләрдә хезмәтне саклау һәм куркынычсызлык техникасы". Нотыклар белән "Татэнерго Зәй ГРЭСЫ" АҖ, "Зәй шикәре" АҖ, "Техно заводы" ҖЧҖнең Зәй шәһәрендәге филиалы предприятиеләре вәкилләре чыгыш ясады, предприятиедә хезмәтне саклау белән идарә итү системасын мәҗбүри кабул итү; предприятиедә һәм аның бүлекчәләрендә хезмәтне саклау буенча законнар һәм башка норматив хокукый актларның үтәлешен тикшереп тору; производствода бәхетсезлек очраклары; эш урыннарында хезмәт шартларын өйрәнү; тагын да камилрәк хезмәт методларын эшләү һәм кертү турында тәкъдимнәр әзерләү буенча һ. б. мәсьәләләр каралды.