3 нче мәктәп укучылары мәктәп территориясен җыештыру эшен башлады

1 нче апрельдә Зәй муниципаль районында башланган санитар-экологик икеайлык кысаларында 3 нче урта гомуми белем мәктәбе укучылары да мәктәп яны территориясен санитар чистарту эшләрендә теләп катнашалар. Эш карны таратудан һәм зур калдыкларны җыештырудан башланды. Экологик икеайлык 31 нче майга кадәр дәвам итәчәк, аның кысаларында районда экологик вәзгыятьне яхшыртуга һәм укучыларның үз-үзләрен тоту культурасын тәрбияләүгә юнәлдерелгән чаралар һәм акцияләр планлаштырыла.