Зәйдә юл хәрәкәте иминлеген тәэмин итү комиссиясе утырышы булды
4 апрельдә район Башкарма комитеты җитәкчесе, комиссия рәисе Э.Э. Галиев, Россия Эчке эшләр министрлыгының Зәй районы буенча ЮХИДИ бүлеге башлыгы Р. Г. Гәрифуллин, учреждение һәм оешма җитәкчеләре, авыл җирлекләре башлыклары, мәктәп директорлары һәм балалар бакчалары мөдирләре катнашында юл хәрәкәте иминлеген тәэмин итү буенча комиссия утырышы узды. Утырышта шулай ук ТР Дәүләт автоинспекциясе вәкиле Юрий Шалин катнашты.
Юл хәрәкәте иминлеген тәэмин итү буенча район комиссиясенең чираттагы утырышында катнашучылар 1 кварталда килеп чыккан хәләкәтләргә йомгак ясадылар, «Имин һәм сыйфатлы юллар» милли проекты кысаларында иминлекне тәэмин итү һәм халык арасында юл хәрәкәте иминлеген кисәтү мәсьәләләрен карадылар. Бу быелгы өченче утырыш.
Дәүләт автоинспекциясе көче белән, БДД ДБУ, муниципаль хезмәткәрләр һәм мәгариф учреждениеләре хезмәткәрләре белән берлектә, профилактик чаралар, планлы рейдлар, тематик акцияләр, ата-аналар һәм педагоглар белән балаларның юл-транспорт травматизмын кисәтүгә юнәлдерелгән дәресләр уздырыла. Комиссия эше юлларны карап тотуга күзәтчелекне арттыруга, юл-транспорт һәлакәтләрен киметү чараларын гамәлгә ашыруга, мәгариф учреждениеләрендә һәм шәһәр һәм район халкы арасында юл хәрәкәте иминлеген тәэмин итү эшенә юнәлдерелгән.
Комиссия утырышында бурычлар куелды һәм тиешле күрсәтмәләр бирелде. Утырышка йомгакларны Э.Э. Галиев ясады.