Зәйдә район Икътисади советы утырышы узды

Бүген Зәй муниципаль районы Икътисади советының чираттагы утырышы булды. Доклад белән район электр элемтәсе үзәге баш инженеры М.В. Мәгъфуров чыгыш ясады. Ул оешманың 2024 елгы эшчәнлеге нәтиҗәләре һәм 2025 елга перспективалы үсеш планнары турында сөйләде. Зәй районы электр элемтәсе үзәге «Таттелеком» җәмгыятенең 37 филиалының берсе булып тора. Таттелеком Татарстан Республикасында зона, җирле телефон һәм телеграф элемтәсе хезмәтләрен, sip һәм ip – телефония хезмәтләрен, мәгълүматлар тапшыру хезмәтләрен (шул исәптән Интернетка керү), телевидение хезмәтләрен, кәрәзле элемтә хезмәтләрен, локаль һәм болыт тибындагы видеокүзәтү хезмәтләрен, ip-домофония хезмәтләрен күрсәтүче иң эре операторларның берсе булып тора. Зәй филиалы хезмәт күрсәтү зонасында 22 061 - физик зат абоненты һәм 2 209 - юридик зат исәпләнә. 2025 елга үсешнең төп бурычлары-G-PON челтәрләрен төзүне дәвам итү, яңа микрорайоннарны колачлау, кәрәзле элемтә база станцияләрен төзү һәм модернизацияләү, һәр подъездга IP-домофония үтеп керүне арттыру.