Зәйдә язгы кыр эшләрендә катнашачак техника кабул ителде

Бүген район башлыгы Р.Г. Кәримов, Татарстан Республикасы авыл хуҗалыгы һәм азык – төлек министрының механизация буенча урынбасары Р. М. Фәттахов, авыл хуҗалыгы идарәсе башлыгы һәм белгечләре, Гостехнадзор инспекторы А.З. Гатауллин, Россельхозцентрның Зәй бүлеге башлыгы З. Э. Тәхаутдинова һәм авыл хуҗалыгы предприятиеләре белгечләреннән торган комиссия техниканың язгы кыр эшләренә әзерлеген кабул итте. Район хуҗалыкларында тракторларны һәм авыл хуҗалыгы машиналарын ремонтлау тулысынча төгәлләнгән. Комиссия үз эшен Аксар бүлекчәсендәге «Зәй» агрофирмасыннан башлады, «Восток» агрофирмасы Баграж бүлекчәсендә, «Зәй шикәре» агрофирмасы Чыбыклы бүлекчәсендә дәвам итте, «Союз-Агро» җәмгыяте Гүлкин бүлекчәсендә төгәлләде. Барлык кабул итү пунктларында да техника алдан ук мәйданчыкка линейкага тезелгән. Комиссия үз эшендә түбәндәге критерийлар буенча әзерлек дәрәҗәсенең бәяләү күрсәткечләренә таянып эш итте: тракторларга техник карау узу, күчмә ремонт звенолары булу, техник хезмәт күрсәтү пункты эше, хезмәтне саклау буенча расланган инструктажлар, кабинет һәм хезмәтне саклау документациясе булу, барлык технологик процессларның үтәлеше, орлык материалының һәм минераль ашламаларның әзерлеге һәм сакланышы. Бүгенгә район игенчеләре тарафыннан 1 га чәчүлек мәйданына 75 кг ашлама тупланган. Ашламалар махсус билгеләнгән мәйданчыкларда саклана. Шулай ук техниканы кабул итү барышында комиссия әгъзалары механизаторларны хезмәткә түләү шартлары, куркынычсызлык техникасы һәм мораль һәм матди кызыксындыру чаралары белән таныштырдылар. Район башлыгы үзенең үгет-нәсыйхәт сүзендә халык мәкален китерде: "Язгы көн-елны туендыра!"Шуңа күрә, хөрмәтле механизаторлар һәм белгечләр, «2025 ел Уңышы» язмышы сездән тора. Сез барыгыз да техника, ягулык-майлау материаллары, орлыклар, ашламалар, индивидуаль яклау чаралары белән тәэмин ителгән, хезмәткә түләү шартлары белән танышкан. Сезгә язгы кыр эшләрен уңышлы башкарып чыгуыгызны телим. Хәерле сәгатьтә!, -диде Разиф Гали улы. Конкурс нәтиҗәләре буенча комиссия авыл хуҗалыгы формированиеләренең әзерлек дәрәҗәсен 50 баллы шкала буенча бәяләде: 1 урынны «Зәй шикәре» агрофирмасы һәм Гулькин авылы Кузайкино РПК «Союз-Агро», 2 урынны - «Восток» агрофирмасы, 3 урынны «Зәй» агрофирмасы алды.