Зәй укучылары - татар әдәбиятыннан республика олимпиадасының йомгаклау этабында

2025 елның 5 мартында «Республика олимпиада үзәге» дәүләт автоном мәгариф учреждениесенең «Дуслык» сәламәтләндерү – белем бирү комплексы базасында татар телендә белем бирүче мәктәп укучылары арасында татар әдәбияты буенча Республика олимпиадасының йомгаклау этабы узды. Олимпиадада катнашу йомгаклары буенча җиңүче булып Кадер урта гомуми белем бирү мәктәбенең 11 сыйныф укучысы Гыйльфанова Карина танылды, укытучысы - Әюпова Алсу Фаит кызы. Призер булып М.Х. Хәсәнов исемендәге Бигеш урта мәктәбенең 10 нчы сыйныф укучысы Мәхмүтова Алена танылды, укытучысы - Ягафарова Рушания Хәмәтзакир кызы.