«Мартта үзенчәлекле көн бар»

4 март көнне С.Рәфыйков исемендәге Үзәк китапханә хезмәткәрләре «Шатлык» комплекслы үзәгенең көндезге бүлегендә социаль хезмәт алучылар өчен «Мартта үзенчәлекле көн бар» дигән конкурс-күңел ачу программасы үткәрделәр. Бу беренче язгы бәйрәм чарасы 8 Март - Халыкара хатын-кызлар көненә багышланган иде. Һәр кеше өчен игелекле эшләр, яхшы сүзләр, яхшы гамәлләр мөһим әһәмияткә ия. Чарада катнашучылар гаилә, дуслык һәм, әлбәттә, язгы бәйрәм турында сөйләшүгә актив кушылдылар. Чара программасында хәрәкәтчән уеннар, викториналар, табышмаклар, биюләр һәм күңелле конкурслар бар иде, аларда программа кунаклары үзара ярдәмләшү, тапкырлык күрсәттеләр. Бәйрәм җанлы үтте һәм барлык катнашучыларга бик күп уңай хис-кичерешләр бүләк итте. Программа азагында барысы да татлы призлар алды.