Социаль фонд клиент хезмәтендә 2024 ел эшчәнлегенә нәтиҗә ясалды

Бүген социаль фонд клиент хезмәтендә «2024 елда эш нәтиҗәләре һәм 2025 елга эшчәнлекнең төп юнәлешләре турында" хезмәт коллективы киңәшмәсе узды. Йомгаклау киңәшмәсе эшендә район башлыгы урынбасары П. С.Уразайкин, ОСФРНЫҢ Татарстан Республикасы буенча матди-техник тәэмин итү идарәсе башлыгы Р. Н. Гайнуллин, партнер оешмаларның җитәкчеләре һәм вәкилләре катнашты. Төп доклад белән клиентлар хезмәте җитәкчесе Лилия Камалюкова чыгыш ясады. Ул 2024 ел эшчәнлегенә йомгак ясады, 2025 елга өстенлекле юнәлешләрне билгеләде. Шулай ук пенсионерлар берлегенең җирле бүлекчәсе рәисе Мария Боровинскихның чыгышы да тыңланды. Петр Уразайкин коллективны Зәй муниципаль районының социаль-икътисади үсеше нәтиҗәләре белән таныштырды, 2025 елга бурычлар билгеләде. Ул социаль фонд клиент хезмәтенең районның тотрыклы үсешенә керткән өлешенә югары бәя бирде, район халкының өчтән берен диярлек тәшкил иткән өлкән яшьтәге кешеләргә сизгер, намуслы мөнәсәбәтләре өчен рәхмәт белдерде. Киңәшмә ахырында Раил Наил улы клиентлар хезмәте коллективына һәм чакырылганнарга 2025 елга Татарстан Республикасы СФР бүлегенең өстенлекле бурычлары һәм проектлары турында сөйләде. Ул клиент хезмәтенең 3 хезмәткәренә ТР ОСФР бүләкләрен тапшырды.