Зәйдә район җитәкчелегенең хезмәт коллективлары белән очрашулары дәвам итә

Бүген район Башкарма комитеты җитәкчесе Э.Э. Галиев «Теплосервис» ҖЧҖ, «Зәй районы ДВБ» ДБУ һәм Зәй почтамтында очрашулар үткәрде. Очрашу барышында Эмиль Эдуардович оешма хезмәткәрләрен Зәй муниципаль районының 2024 елгы социаль-икътисадый үсеше нәтиҗәләре һәм 2025 елга планнары белән таныштырды. Башкарма комитет җитәкчесе шулай ук үз чыгышында махсус хәрби операциядә катнашучыларга ярдәм күрсәтү мәсьәләсенә тукталды, уртак эшкә керткән өлешләре һәм бердәмлекләре өчен коллективларга рәхмәт белдерде. Үз чиратында, оешма җитәкчеләре 2024 елда үз юнәлешләре буенча башкарылган эшләр турында хисап тоттылар һәм агымдагы елга планнары турында сөйләделәр. Очрашу ахырында хезмәткәрләр район Башкарма комитеты җитәкчесенә үзләрен кызыксындырган сорауларын биреп, аларга тулы җаваплар алдылар.